Zaznačajuć u Ministerstvie justycyi.
Rastłumačyła žurnalistam sens simvałaŭ Biełarusi hałoŭnaja śpiecyjalistka Departamienta archivaŭ i spravavodstva Ministerstva justycyi Biełarusi, čalec hieraldyčnaha savieta pry prezidentu Maryna Jelinskaja.
Navukoŭca taksama nahadała, što «my ni ŭ jakim vypadku nie možam zabyvacca na svaje histaryčnyja simvały, u pryvatnaści, taki nacyjanalny simvał, jak Pahonia». Pavodle spadaryni Jelinskaj, Pahonia — heta nie tolki biełaruski, ale internacyjanalny simvał. «Što takoje vieršnik? Heta abaronca, vajar, heta pieramožca», — arhumientuje Maryna Jelinskaja.
Jana nahadała, što były dziaržaŭny hierb — nacyjanalny niemateryjalny zdabytak i achoŭvajecca pavodle zakonu, jak i kožnaja inšaja terytaryjalnaja i šlachieckaja hieraldyka.
Nie zabyłasia navukoŭca i pra dziaržaŭnyja simvały: «U centry hierba mieścicca zialony kupał — taja ziamla, na jakoj žyvuć hramadzianie Biełarusi. Usie astatnija simvały — kałasy, stužka ŭ kolery dziaržaŭnaha ściahu. Uviersie znachodzicca
čyrvonaja piacikancovaja zorka, jakaja źviazanaja z baraćboju biełaruskaha narodu za suvierennaść i niezaležnaść».
U svaju čarhu siońniašni dziaržaŭny ściah Biełarusi «niasie pazityŭnuju sensavuju nahruzku». Pavodle Maryny Jelinskaj, čyrvony koler možna razhladać jak kroŭ Chrysta, simvał vyzvaleńnia.
Zialony koler, u pieršuju čarhu, ličycca simvałam žyćcia. Arnamientnaja častka ściaha ŭjaŭlaje saboju čyrvony nacyjanalny ŭzor, asnova jakoha — kryž.
«Heta staradaŭni simvał, jaki šmatznačny — heta i cykł žyćcia, źmieny siezonaŭ hoda, etapy žyćcia čałavieka», — kaža navukoviec.
Ciapier čytajuć
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU6
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary