Pavodle prahnozu Respublikanskaha hidramieteacentra, u najbližejšyja sutki ŭ Biełarusi budzie pachmurna z prajaśnieńniami. Nočču hałoŭnym čynam pa ŭschodniaj pałovie, dniom na bolšaj častcy terytoryi krainy daždžy, u dzionnyja hadziny ŭ asobnych rajonach mocnyja daždžy, navalnicy. Viecier paŭnočny, paŭnočna-ŭschodni 5—10 m/s, dniom paryvy da 14 m/s. Tempieratura pavietra minimalnaja nočču plus 1—6°S, u Bresckaj i Hrodzienskaj abłaściach miescami zamarazki da 0 — minus 2°S, maksimalnaja dniom plus 8—13°S, pa ŭschodzie da plus 17°S.
U Minsku ŭ subotu, 7 maja, nočču bieź istotnych apadkaŭ, ranicaj i dniom časam doždž, mahčyma navalnica. Viecier paŭnočny, paŭnočna-ŭschodni 5—10 m/s, dniom paryvy da 14 m/s. Tempieratura pavietra minimalnaja nočču plus 3—5°S, maksimalnaja dniom plus 11—13°S.
U nastupnyja dvoje sutak, 8—9 maja, pa respublicy pachmurna z prajaśnieńniami. U niadzielu, 8 maja, nočču na bolšaj častcy terytoryi, dniom miescami karotkačasovyja daždžy. U asobnych rajonach navalnicy. Viecier paŭnočny, paŭnočna-ŭschodni 5—10 m/s, paryvy da 14 m/s. Tempieratura pavietra minimalnaja nočču plus 3—10°S, maksimalnaja dniom plus 13—19°S.
9 maja pa paŭdniova-ŭschodniaj pałovie miescami karotkačasovyja daždžy, mahčymyja navalnicy. Viecier paŭnočna-ŭschodni 5—10 m/s, paryvy da 14 m/s. Tempieratura pavietra minimalnaja nočču plus 4—10°S, maksimalnaja dniom plus 15—21°S.
Kamientary