Hurt, čyje kancerty faktyčna zabaranili ŭ Biełarusi, sabraŭ anšłah u stalicy Litvy.
Hurt, čyje kancerty faktyčna zabaranili ŭ Biełarusi, sabraŭ anšłah u stalicy Litvy.
Chto b moh padumać u časy, kali N.R.M. pačaŭ źbirać poŭnyja zały ŭ Minsku, što na kancertach «Lapisa Trubiackoha», ź jaho błaznavatymi piesieńkami «Au» i «Ty kinuła», budzie hučać biełaruskaja mova, a nad natoŭpam buduć łunać bieł-čyrvona-biełyja ściahi? Što hurt Siarhieja Michałka budzie vystupać u Vilni pry padtrymcy navučalnaj ustanovy ŭ vyhnańni, majučy i ŭłasny status zabaronienaha na radzimie? Ale fakt zastajecca faktam — 14 maja «Lapisy» adyhrali kancert dla studentaŭ Jeŭrapiejskaha humanitarnaha ŭniviersitetu, sabraŭšy poŭnuju zału kłuba «Prapahanda».
Kancert byŭ arhanizavany EHU. Dapamahli ŭ arhanizacyi taksama MHA «ZBS» “Baćkaŭščyna» i hramadskaja kampanija «Budźma biełarusami». Trapić na vystup «Lapisaŭ» možna było pa zaprašalnikach. Pieravažnuju kolkaść haściej składali studenty.
Ź impravizavanaj VIP-łožy za dziejaj nazirała kiraŭnictva ŭniviersiteta, a taksama ministr adukacyi Litvy. Apošni nie doŭha siadzieŭ u prezidyumie i nieŭzabavie pajšoŭ tančyć.
Pierad pačatkam kala ŭvachodu ŭ kłub sabraŭsia ładny natoŭp. Usiaho na kancert razdali bolš za paŭtysiačy zaprašalnikaŭ. Na stajancy prysutničali aŭto ź biełaruskimi numarami, nad adnym ź mikraŭtobusaŭ źjaviŭsia bieł-čyrvona-bieły ściah.
Trapiŭšy ŭ siaredzinu, možna było nabyć vydańni redakcyi časopisa «ARCHE», atrymać sakołku z vyjavaj arhanizacyi Belarus Watch u miežach kampanii «BIEZ VIZY!», abo prosta papić smačnaha piva.
Sam kancert čymści nahadaŭ letašni vystup «Lapisaŭ» na Basoviščy. Było hetak ža viesieła i horača. Ź pieršych piesień nad natoŭpam uźvilisia bieł-čyrvona-biełyja ściahi.Paźniej da ich dałučyłasia simvolika EHU, a niaklaŭcy razharnuli raściažku svajho kandydata. Mahčyma, nie chapała kandycyjaniera i troški lepšaha huku, ale abaznanyja ludzi kazali, što ad zały byłoha Pałaca prafsajuzaŭ inšaha čakać nie davodzicca. Dy, padajecca, takija niuansy chvalavali adzinki, bolšaść ža nijak nie chacieła adpuskać muzykaŭ. Naprykancy zatančyli navat amatary piva, što słuchali kancert uzdoŭž barnaj stojki.
Raźvitvalisia muzyki ź Vilniaj nienadoŭha —10 červienia ŭ tym ža kłubie «Prapahanda» adbudziecca adkryty kancert «Lapisa Trubiackoha».
U Biełarusi pierad vybarami mohuć błakavać internet — jak da hetaha padrychtavacca, kab być na suviazi1
Kamientary