U Biełarusi pavyšeńnie pracoŭnych piensij mahčymaje na praciahu bližejšychdvuch-troch miesiacaŭ, paviedamiŭ BiełTAvice-prem jer Anatol Tozik.
«Va ŭradzie razhladajecca pytańnie ab pavyšeńni pamieraŭ pracoŭnych piensij, — skazaŭ jon. — Rašeńnie budzie pryniataje ŭ bližejšyja miesiacy».
Namieśnik kiraŭnika ŭrada padkreśliŭ, što tut treba zychodzić z ekanamičnych mahčymaściaŭ dziaržavy: «Kab z kišeni dastać finansavyja srodki, treba ich tudy pakłaści».
Anatol Tozik padkreśliŭ, što pastupleńni ŭ Fond sacyjalnaj abarony nasielnictva Ministerstva pracy i sacyjalnaj abarony iduć stabilna, jość «paduška biaśpieki» dla piensijnych vypłat. «U hetym płanie piensijanieram chvalavacca nie varta — piensii vypłačvalisia i buduć vypłačvacca svoječasova i ŭ poŭnym abjomie», — zapeŭniŭ
Što datyčycca refarmavańnia piensijnaj sistemy, to heta sprava budučyni. «Nieabchodna spačatku vypracavać pryncypovyja padychody, pry jakich i ludziam było b lepš, i dziaržavie lahčej, — rastłumačyŭ Anatol Tozik. — I pakul takija padychody nie buduć vyznačanyja, nie budzie i krokaŭ pa refarmavańni piensijnaj sistemy ŭ Biełarusi».
Ciapier čytajuć
Škołu dla dziaciej ź psichičnymi asablivaściami ŭ Minsku pierarobiać u kadeckaje vučylišča. Da realizacyi išli 18 hadoŭ12
Kamientary