Biełkamunmaš pradaŭ Kišyniovu bujnuju partyju brakavanych tralejbusaŭ
Kala 70% tralejbusaŭ, zakuplenych dla ekspłuatacyi ŭ miežach Kišyniova pa rasparadžeńni hienieralnaha prymara stalicy Daryna Kirtaake, pryjšli ŭ nieprydatnaść. Niaspraŭnyja transpartnyja srodki, nabytyja ŭ Minsku, źniatyja z maršrutaŭ i adpraŭlenyja ŭ ramont.
Usiaho ŭ ramoncie znachodzicca 16 z 25 novych tralejbusaŭ. Minskamu zavodu paviedamili ab niaspraŭnaści.
Pavodle municypalnych čynoŭnikaŭ, prablemy z novymi adzinkami elektratranspartu źjavilisia adrazu ž z pačatku ich ekspłuatacyi.
U 2010 hodzie Kišynioŭskaja prymeryja i Jeŭrapiejski bank rekanstrukcyi i raźvićcia padpisali pahadnieńnie ab pradastaŭleńni małdaŭskamu boku 13,7 młn jeŭra na nabyćcio 102 minskich tralejbusaŭ vytvorčaści «Biełkamunmaš». Košt kožnaha tralejbusa pieravyšaje 125 tysiač jeŭra.
«Hety vypadak niadbałaha staŭleńnia da rastraty bujnych finansavych srodkaŭ u halinie haradskoj haspadarki aburaje mianie, jak hramadzianina i jak žychara Kišyniova», — adznačyŭ u razmovie z karespandentam multymiedyjnaha ahienctva
«Navošta zakuplać niaspraŭnyja tralejbusy, kali my, naprykład, užo viedajem, što jość marki elektratranspartu, što dobra zarekamiendavali siabie na našych darohach — naprykład, tralejbusy marki „Škoda“», — skazaŭ Hałavin.
Zahinuŭ biełaruski dobraachvotnik Vasil «Dzir» Rapicki11
Kamientary