Abniać i płakać: Kiraŭnik Minsielhascharču nie ličyć ceny ŭ kramach vysokimi
Ministr Rusy ŭhledzieŭ u mahazinach miasa pa 12 tys. i pamidory pa 8 tys.
Ministr sielskaj haspadarki i charčavańnia Biełarusi Michaił Rusy nie ličyć ceny ŭ biełaruskich mahazinach vysokimi. «Nie liču našy ceny vysokimi, —zajaviŭ jon žurnalistam u Minsku 19 maja. — Pakažycie mnie krainu vakoł Biełarusi, dzie vy možacie kupić, naprykład, miasa ŭ mahazinie za 12 tysiač? Adpusknaja cana našych pamidoraŭ, naprykład, 8 tysiač rubloŭ za kiłahram».
Pry hetym, adkazvajučy na ŭdakładniajučaje pytańnie BiełaPAN, ministr pryznaŭ, što dziaržava zakuplaje ŭ nasielnictva sielhaspradukcyju pa značna bolš nizkich cenach, čym pradaje jaje. Rusy nie vyklučyŭ, što dziaržava budzie ŭźnimać zakupnyja ceny, adnak admoviŭsia nazvać terminy, kali heta moža adbycca.
Ministr taksama zaznačyŭ: impart asobnych charčovych hrup skaračajecca ŭ suviazi z tym, što «pa cełym šerahu kirunkaŭ my jaho zamiaščajem».
Na pytańnie pra toje, jak padzieńnie rubla paŭpłyvaje na pracu pradpryjemstvaŭ sielskahaspadarčaj haliny, Rusy zaznačyŭ:
«Dyk nie tak mocna rubiel biełaruski i ŭpaŭ».
Varta zaznačyć, što, tolki pavodle źviestak Biełstata, z pačatku hetaha hoda spažyvieckija ceny na tavary i pasłuhi ŭ Biełarusi ŭzraśli na 10,9%. U pryvatnaści, ceny na charčovyja tavary ŭzraśli na 12,2%. Pa hetym pakazčyku Biełaruś apiaredziła Rasiju, Ukrainu i Kazachstan.
Kamientary