Psieŭdažurnalistyka: BT, ANT i dziaržpresa zhadała devalvacyju ennaj navinoj

Viečarovyja vypuski biełaruskich navinaŭ u čarhovy raz niepryjemna ździvili svajoj adnolkavaściu.

Navina pra 55%-uju devalvacyju, jakaja pa zmaŭčańni była najhałoŭnaj navinoj nie toje, što dnia, a navat tydnia, akazałasia na zadvorkach uvahi navinnych vypuskaŭ telekanałaŭ — jak Pieršaha, tak i ANT. Vizit Łukašenki ŭ Kazachstan, isłandski vułkan, źmieny va ŭkrainskim zakanadaŭstvie, vučeńni… Usie hetyja temy padalisia kiraŭnictvu kanałaŭ važniejšymi za abvał rubla.

Kali čarha ŭsio ž dajšła da abvału biełaruskaha rubla, dyktary badziorymi hałasami začytali novyja kursy i vytrymki z pres-relizu, raspaŭsiudžanaha Nacbankam… i pierajšli da nastupnaha siužetu.

U žyvy efir ci chacia b prosta na intervju da dziaržaŭnych žurnalistaŭ nie vyjšaŭ nichto —

Nie źjaviŭsia staršynia praŭleńnia Nacbanka Piotr Prakapovič, kab prynarodna pryznacca, što jamu daviałosia schłusić nakont niemahčymaści devalvacyi.

Moh vyjści chacia b vice-premjer Siarhiej Rumas, jaki apošnija tydni vyhladaŭ śmialejšym za astatnich čynoŭnikaŭ i padbuchtorvaŭ Nacbank na praviadzieńnie devalvacyi. Dzie jahony abiacany kurs 3800–4100 rubloŭ?

Ad ministra sielskaj haspadarki i charčavańnia Mikałaja Rusaha ciažka było čakać adekvatnaha adkazu, ale jon moh paŭtaryć jašče raz, što novy kurs dalara — heta nie devalvacyja.

Navat hieraičny kiraŭnik upraŭleńnia Nacbanka Anatol Drazdoŭ, jaki dzień za dniom apraŭdvaŭsia za biaździejańnie svajho kiraŭnictva, i toj nie paličyŭ patrebnym prakamientavać situacyju.

Jašče raz udakładnim, śmiełaści i adkaznaści prakamientavać situacyju nie znajšłosia ni ŭ adnaho čynoŭnika.

A siužet pa ANT skončyŭsia karcinkaj zadavolenaj dziaŭčyny, jakaja biez usialakaj čarhi zachodzić u abmieńnik i kuplaje dalary. Łukašenkaŭskija psieŭdažurnalisty sami paćvierdzili aniekdot pra siabie: chacieli b my žyć u toj Biełarusi, jakuju pa TV pakazvajuć.

P. S. «Sovietskaja Biełoruśsija» za aŭtorak piša na pieršaj pałasie pra Łukašenku ŭ Kazachstanie, fiestyval u Kanach i vyniki vybaraŭ u Ispanii. Pra devalvacyju — tolki na druhoj staroncy. Toje samaje i «Źviazda».

• 0
• 0
• 0
• 0
• 0
• 0
• 0
• 0