Hienprakuratura nie nazyvaje sumu ŭronu ŭ vyniku vybuchu ŭ minskim mietro
Namieśnik hienieralnaha prakurora Biełarusi Alaksiej Stuk na sustrečy z žurnalistami 24 maja admoviŭsia adkazvać na pytańnie, jaki ŭron pryčynieny vybucham u minskim mietro i jakija miery prymajucca dla jaho pakryćcia.
«Ja nie mahu pra heta havaryć, tamu što śledstva praciahvajecca. Peŭnaja tajna śledstva isnuje i pa hetym pytańni», — skazaŭ jon.
Vybuch na stancyi «Kastryčnickaja» minskaha mietro prahrymieŭ 11 krasavika. Paciarpieli bolš za 200 čałaviek; ź ich 14 — zahinuli, 167 — byli špitalavanyja.
Jak paviedamiŭ 29 krasavika žurnalistam namieśnik hienieralnaha prakurora, kiraŭnik śledčaj hrupy Andrej Švied, pa fakcie vybuchu ŭ mietro abvinavačańnie ŭ teraryźmie pradjaŭlena dvum hramadzianam Biełarusi. Im stavicca ŭ vinu ŭčynieńnie złačynstva, praduhledžanaha č. 3 art. 289 Kryminalnaha kodeksa (teraryzm). Jany abvinavačvajucca ŭ tym, što ŭčynili terakt pa papiaredniaj zmovie dla destabilizacyi stanovišča, zapałochvańnia nasielnictva i zabojstva ludziej.
Adnamu z abvinavačanych u terakcie ŭ mietro taksama pradjaŭlena abvinavačańnie pavodle č. 3 art. 295 KK (niezakonny abarot zbroi).
Akramia taho, paviedamiŭ Švied, adnamu z abvinavačanych u vybuchu ŭ mietro pradjaŭlena abvinavačańnie pa faktach teraryzmu 14 i 22 vieraśnia 2005 hoda ŭ Viciebsku i ŭ noč z 3 na 4 lipienia 2008 hoda ŭ Minsku. «Hetyja złačynstvy, prynamsi, učyniŭ adzin čałaviek», — skazaŭ Švied.
Ciapier čytajuć
Adstaŭny padpałkoŭnik milicyi adsudziŭ kvateru ŭ svajoj dački. Hučnaja siamiejnaja historyja z Bresta7
Kamientary