Генпракуратура не называе суму ўрону ў выніку выбуху ў мінскім метро
Намеснік генеральнага пракурора Беларусі Аляксей Стук на сустрэчы з журналістамі 24 мая адмовіўся адказваць на пытанне, які ўрон прычынены выбухам у мінскім метро і якія меры прымаюцца для яго пакрыцця.
«Я не магу пра гэта гаварыць, таму што следства працягваецца. Пэўная тайна следства існуе і па гэтым пытанні», — сказаў ён.
Выбух на станцыі «Кастрычніцкая» мінскага метро прагрымеў 11 красавіка. Пацярпелі больш за 200 чалавек; з іх 14 — загінулі, 167 — былі шпіталяваныя.
Як паведаміў 29 красавіка журналістам намеснік генеральнага пракурора, кіраўнік следчай групы Андрэй Швед, па факце выбуху ў метро абвінавачанне ў тэрарызме прад’яўлена двум грамадзянам Беларусі. Ім ставіцца ў віну ўчыненне злачынства, прадугледжанага ч. 3 арт. 289 Крымінальнага кодэкса (тэрарызм). Яны абвінавачваюцца ў тым, што ўчынілі тэракт па папярэдняй змове для дэстабілізацыі становішча, запалохвання насельніцтва і забойства людзей.
Аднаму з абвінавачаных у тэракце ў метро таксама прад’яўлена абвінавачанне паводле ч. 3 арт. 295 КК (незаконны абарот зброі).
Акрамя таго, паведаміў Швед, аднаму з абвінавачаных у выбуху ў метро прад’яўлена абвінавачанне па фактах тэрарызму 14 і 22 верасня 2005 года ў Віцебску і ў ноч з 3 на 4 ліпеня 2008 года ў Мінску. «Гэтыя злачынствы, прынамсі, учыніў адзін чалавек», — сказаў Швед.
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі13
Каментары