Majkł Skenłan: ZŠA nie buduć vieści handal vakoł palityčnych viaźniaŭ
Pazicyja ZŠA «vielmi vyraznaja i zrazumiełaja — vyzvaleńnie ŭsich palitviaźniaŭ i źniaćcie ź ich usich abvinavačvańniaŭ i admiena ŭsich prysudaŭ».
Urad Złučanych Štataŭ Amieryki nie budzie vieści torh vakoł palityčnych źniavolenych, zajaviŭ u intervju BiełaPAN časovy pavierany ŭ spravach ZŠA ŭ Biełarusi Majkł Skenłan.
Jon padkreśliŭ, što ŭ hetym pytańni pazicyja ZŠA «vielmi dakładnaja i jasnaja — vyzvaleńnie ŭsich palitźniavolenych, źniaćcie ź ich usich abvinavačańniaŭ i admiena ŭsich pryhavoraŭ».
Kamientujučy zajavu Alaksandra Łukašenki ab mahčymaści vyzvaleńnia tych, kaho sudziać u suviazi z padziejami 19 śniežnia, Skenłan skazaŭ: «Pierš za ŭsio, nakolki ja zrazumieŭ z hetaj zajavy, kažučy pra „hetak zvanych palitźniavolenych“, Łukašenka padrazumiavaŭ tolki
Kali my kažam pra palitźniavolenych u Biełarusi, my majem na ŭvazie pryblizna 50 čałaviek, jakim pradjavili abvinavačańni ŭ suviazi z padziejami 19 śniežnia i bolšaść ź jakich užo asudžany».
Skenłan nahadaŭ pra zroblenuju 27 maja zajavu Baraka Abamy. Prezident ZŠA, u pryvatnaści, zajaviŭ: «Prytrymlivajučysia našych kaštoŭnaściaŭ i pryncypaŭ, urad Złučanych Štataŭ
budzie ŭvodzić novyja sankcyi ŭ dačynieńni da asobnych biełaruskich dziaržaŭnych pradpryjemstvaŭ u dapaŭnieńnie da sankcyj, vizavych abmiežavańniaŭ i zamarožvańnia aktyvaŭ, abvieščanych 31 studzienia.Hetyja miery skiravany suprać asob, adkaznych za represii…»
«Naša palityka była, jość i budzie zastavacca takoj», — padkreśliŭ Skenłan.
Pavodle słoŭ amierykanskaha dypłamata, sudy pa spravie ab masavych biesparadkach stali jašče adnym krokam da samaizalacyi Biełarusi.
«Hetyja sudovyja pracesy źjaŭlajucca palityčnymi i naohuł nie pavinny byli mieć miesca, — padkreśliŭ jon. — ZŠA, ES i Rasija publična zaklikali da nieadkładnaha vyzvaleńnia i źniaćcia abvinavačańniaŭ z usich tych, kaho zatrymali ŭ suviazi z padziejami 19 śniežnia. My hłyboka pieražyvajem, što palityčnyja źniavolenyja ŭ Biełarusi źjaŭlajucca realnaściu».
Jak miarkuje časovy pavierany, jość niebiaśpieka taho, što ŭ budučyni dastojnyja pretendenty na pasadu prezidenta mohuć vyrašyć nie brać udzieł u vybarach, kali buduć viedać, što heta moža pryvieści ich u turmu.
Skenłana ŭraziła
«vialikaja nieadpaviednaść pamiž pakazańniami śviedak, jakija byli na karyść abvinavačvanych, i pryhavorami, u jakich jany byli pryznanyja vinavatymi».«Naprykład, mnohija milicyjaniery, jakija davali pakazańni, nie mahli navat apaznać abvinavačvanych. Hetaja supiarečnaść nie znajšła adlustravańnia i ŭ dziaržaŭnych ŚMI. Aśviatleńnie pracesaŭ u dziaržSMI nie było abjektyŭnym», — padkreśliŭ dypłamat.
Tym časam 3 červienia na naradzie pa pytańniach udaskanaleńnia dziejnaści sudoŭ Alaksandr Łukašenka zajaviŭ: sudovyja pracesy nad arhanizatarami i ŭdzielnikami masavych biesparadkaŭ u Minsku 19 śniežnia prajšli ŭ poŭnaj adpaviednaści z zakonam i vinavatyja panieśli zasłužanaje pakarańnie.
«Niahledziačy na kałasalny nacisk zvonku, sudździami byli kvalifikavana i pravilna, u poŭnaj adpaviednaści z zakonam praviedzieny pracesy nad arhanizatarami masavych biesparadkaŭ i pahromščykami Doma ŭrada», — padkreśliŭ Łukašenka.
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova4
Kamientary