Biełaruś — Luksiemburh — 2:0 + videa

Zbornaja Biełarusi pieramahła ŭ adboračnym matčy čempijanata Jeŭropy 2012 hoda zbornuju Luksiemburha ź likam 2:0 (pieršy tajm – 0:0).

Hulnia była dosyć nieadnaznačnaja, u pieršym tajmie ŭ padapiečnych Biernda Štanhie mała što atrymlivałasia: tranžyryli momanty Andrej Varankoŭ, Anton Puciła, Cimafiej Kałačoŭ. Luksiemburžcy pakazvali zuby, dosyć niebiaśpiečna ahryzajučysia.

Zaŭziatarskaje ciarpieńnie kančatkova łopnuła paśla śvistka na pierapynak, i sychod zbornaj z pola jany sustreli hučnym śvistkam. A Štanhie pačali aśvistvać jašče ŭ siaredzinie tajmie

Usio źmianiłasia ŭ druhoj častcy hulni. Paśla čarhovaj ataki biełarusaŭ u štrafnoj rukoj zhulaŭ Hi Blez. Pienalci na 48-j chvilinie realizavaŭ Siarhiej Karnilenka, vydaleny ŭ kastryčnickim matčy ź Luksiemburham i jaki adbyvaŭ šmatmatčavuju dyskvalifikacyju.

Pierad udaram uvieś stadyjon skandavaŭ: “Zabivaj! Zabivaj!”.

Siarhiej nie schibiŭ. Adlahło. Amal kančatkova adlahło paśla taho, jak lik padvoiŭ na 73-j chvilinie Anton Puciła.

Što praŭda, žychary Vialikaha Hiercahstva i nie dumali zdavacca, a išli na biełaruskija varoty, turbujučy Žaŭnova. I ledź nie zabili nie apošniaj chvilinie matča. Našy vystajali :)))) Choć luksiemburžcy pieraŭzyšli biełarusaŭ pa kolkaści udaraŭ pa varotach: 8:11

Ale pakul hałoŭnaje, što biełarusy pieramahli i zamacavalisia na 2-m miescy.

U našaj hrupie Bośnija vyjhrała ŭ Ałbanii ź likam 2:0.

Na paślamatčavaj pres-kanfierencyi Biernd Štanhie zaznačyŭ, što kamanda zasłužana pieramahła, ale skazaŭ, što ejfaryi być nie pavinna, ciapier treba kancentravacca na matčach z Bośnijaj, u jakich budzie hulać zusim novaja kamanda (nie takaja stomlenaja, jak siońnia).

Taksama Štanhie skazaŭ, što lepš pamaŭčać nakont taktyki na matč ź Luksiemburham.

Hałoŭny trenier luksiemburžcaŭ Luk Choltc zaznačyŭ, sumnievaŭ u tym, što Francyja zojmie pieršaje miesca ŭ hrupie niama, a zmahacca za druhoje miesca buduć Biełaruś i Rumynija.

Stanovišča kamandaŭ: Francyja – 13 (6), Biełaruś – 12 (7), Bośnija -- 10 (6), Ałbanija — 8 (6), Rumynija — 8 (6), Luksiemburh — 1 (7).

Da płej-of rukoj padać,

ale dziela hetaha treba brać čatyry ački ŭ matčach z Bośnijaj i nie prajhrać u Buchareście Rumynii.

Pazastałyja matčy ŭ hrupie:

2 vieraśnia: Biełaruś -- Bośnija, Ałbanija -- Francyja, Luksiemburh -- Rumynija.

6 vieraśnia: Luksiemburh -- Ałbanija, Bośnija -- Biełaruś, Rumynija -- Francyja.

7 kastryčnika: Rumynija -- Biełaruś, Francyja -- Ałbanija, Bośnija -- Luksiemburh.

10 kastryčnika: Francyja -- Bośnija, Ałbanija -- Rumynija.

***

Minsk, 7 červienia, stadyjon “Dynama”.

Składy kamandaŭ:

Biełaruś: Žaŭnoŭ (k), Šytaŭ, Vierchaŭcoŭ, Amieljančuk, Bardačoŭ, Kulčyj (Kiślak, 86), Ciharaŭ (Karnilenka, 46), Kałačoŭ, Puciła, Trubiła (V. Hleb, 63), Varankoŭ.

Zapasnyja: Vieramko, Karnilenka, V. Hleb, Byčanok, Žaŭnierčyk, Kiślak, Sitko.

Luksiemburh: Žubier, Šnel, Chofman, Blez, Š. Leviek (Kalet, 77), Malže (Kitenhie, 60), Pajal, Pieters (k), Žersan, Marcino, Da Mota (Łaterca, 76)

Zapasnyja: Aviermajs, Ałmiejda, Kalet, Marejra, Łaterca, Plajn, Kitenhie.

Hałoŭny arbitr: Anar Salmanaŭ (Azierbajdžan).

Papiaredžańni: Varankoŭ, 38, Pajal, 46.

Kolkaść hledačoŭ? Krychu bolš za 10 tys. Vidać, inšaja častka lepšych ludziej krainy brała ŭdzieł u akcyi "Stop bienzin" :)

• 0
• 0
• 0
• 0
• 0
• 0
• 0
• 0