Aktyvisty «Za Aŭto» zapłacili štrafy.
Aktyvistyinfarmacyjna-aśvietnaj ustanovy «Za Aŭto» uviečary 10 červienia ŭ adnym ź minskich adździaleńniaŭ «Biełarusbanka» zapłacili za aštrafavanych udzielnikaŭ akcyi pratestu«Stop-bienzin» vaśmiu kiłahramami hrošaj.Ahulnaja suma štrafaŭ skłała bolš za 3,3 młn. rubloŭ. Ź ich 100 tys. aktyvisty pieradali kupiurami naminałam 10, 20 i 50 rubloŭ — heta vykładzienaja ŭ pakiet drobiaź i zavažyła kala vaśmi kiłahramaŭ.
Ludzi, što znachodzilisia kala kasy, pačali zdymać praces pryjomu i pieraliku hrošaj na kamiery mabilnych telefonaŭ i fotaaparaty, što nie spadabałasia supracoŭnicam bankaŭskaha adździaleńnia. Paśla biespaśpiachovych sprobaŭ zabaranić zdymku i razyścisia adna z supracoŭnic skarystałasia «tryvožnaj knopkaj» i vyklikała milicyju.
Milicyjaniery, jakija prybyli ŭ bank praź niekalki chvilin, tak i nie zrazumieli, čamu ich vyklikali. Jany zajavili, što nijakich parušeńniaŭ nie bačać, i praź niekalki chvilin pakinuli budynak. Pieralik hrošaj doŭžyŭsia 45 chvilin.
Studentka Alesia Makaś, jakaja była aštrafavanaja sudom Centralnaha rajona Minska na 15 bazavych vieličyń (525 tys. rubloŭ), paviedamiła, što «takoje zatrymańnie było pieršy raz i pieršy raz dali štraf».
«Heta vielmi pryjemna, kali ludzi padtrymlivajuć, navat nie stolki materyjalna, kolki maralna. Ja nie čakała, što stolki ludziej adhukniecca, nie była hatovaja da salidarnaści takoha maštabu», — skazała jana. Svajo pakarańnie dziaŭčyna ličyć nieabhruntavanym, paśla hetaha zdareńnia padumvaje bolš aktyŭna vykazvać svaju hramadzianskuju pazicyju.
«Mianie ŭžo daŭno sprabujuć uciahnuć u roznyja arhanizacyi i partyi, ale ja niejak supraciŭlałasia. A ciapier dumaju — treba», — zajaviła studentka.
Pavodle słoŭ aštrafavanaha Dźmitryja Kavałhina, akcyja salidarnaści pakazała, što «narod u ciažkuju chvilinu bolš abjadnoŭvajecca, raniej takoha nie było».
Prynamsi, 1 młn. rubloŭ z rešty srodkaŭ, sabranych hramadskaściu dla aštrafavanych, aktyvisty «Za Aŭto» pieradaduć u dziciačy dom, paviedamiŭ dyrektar ustanovy Arciom Šarkoŭ. Paśla kančatkovaha padliku suma sabranych hramadzianami srodkaŭ pieravysiła 5,2 młn. rubloŭ.
Šarkoŭ paviedamiŭ, što astatnija hrošy taksama mohuć być pieraviedzienyja na rachunak dziciačaha doma abo buduć uniesienyja ŭ «fond» padtrymki budučych «štrafnikoŭ».
-
Uładalnik kramy Kropka ŭ Vilni raskazvaje, jak raźvivajecca jaho biznes i ci znajšli tych, chto raźbiŭ im vokny
-
Rasijanka pierajechała ŭ viosku pad Oršaj i ździŭlena biełaruskim standartam. «Tut pastajanna jość śviatło»
-
Volha Takarčuk padzialiłasia dramatyčnymi padrabiaznaściami svaich uciokaŭ ź Biełarusi
Ciapier čytajuć
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej7
Kamientary