Razhladajecca mahčymaść vydačy lhotnych kredytaŭ dla vyrašeńnia prablem biaspłodnaści
Pra heta paviedamiła žurnalistam 21 červienia ministr pracy i sacyjalnaj abarony Marjana Ščotkina pa vynikach razhladu na siońniašnim pasiadžeńni prezidyuma Saŭmina prahramy demahrafičnaj biaśpieki na 2011–2015 hady.
Jak padkreśliła Ščotkina, u bližejšyja piać hadoŭ staić zadača stvaryć umovy dla demahrafičnaha rostu i pavyšeńnia naradžalnaści, adnak daloka nie ŭsie siemji, jakija žadajuć mieć dziaciej, zdolnyja realizavać svaje žadańni pa abjektyŭnych pryčynach.
Pavodle jaje słoŭ, u Biełarusi 16% siemjaŭ biaspłodnyja, mnohija ź ich chacieli b mieć dziaciej, vykarystoŭvajučy mahčymaść repraduktyŭnych technałohij. Jana adznačyła, što kožny hod u krainie pravodzicca 1,5 tysiač apieracyj ekstrakarparalnaha apładnieńnia (EKA), tym časam vyrašeńnie prablem biaspłodnaści patrabuje ŭkładańnia značnych hrašovych srodkaŭ — ad 3 da 12 młn. rubloŭ.
«Ale kali siemji chočuć mieć dziaciej, to dziaržava pavinna akazvać niejkuju padtrymku takim siemjam. Ciapier razhladajecca mahčymaść vydzialeńnia takim siemjam ilhotnych kredytaŭ na vyrašeńnie prablem biaspłodnaści», — adznačyła jana.
Ščotkina paviedamiła taksama, što dziaržava praciahnie akazvać biełaruskim siemjam finansavuju padtrymku ŭ pahašeńni lhotnych kredytaŭ na žyllo. Dla siemjaŭ, jakija majuć troch dziaciej, praduhledžvajecca mahčymaść pahašeńnia za košt dziaržsrodkaŭ 75% zapazyčanaści pa lhotnych žyllovych kredytach, dla siemjaŭ z 4–5 i bolš dziećmi — 100% zapazyčanaści.
Ministr nahadała, što ŭ papiaredniaj prahramie demahrafičnaj biaśpieki była praduhledžana kampiensacyja nieilhotnych žyllovych kredytaŭ maładym siemjam. «U novaj prahramie hety punkt taksama zastajecca», — padkreśliła Ščotkina.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary