Z druku vyjšli 10‑y i 12‑y numary časopisu ARCHE za 2006 hod. 11‑y čakajecca nieŭzabavie.
Z druku vyjšli 10‑y i 12‑y numary časopisu ARCHE za 2006 hod. 11‑y čakajecca nieŭzabavie.
№ 10 adkryvajecca vialikim artykułam Andreja Dyńka "Mova vulicaŭ i mova Płoščy". «Pakul mova jość movaju serca, jana maje šancy stać taksama movaju rozumaŭ. Pakul biełaruskaja mova jość movaju Płoščy, jana nia tracić šancu adnojčy stać movaju vulicaŭ, ‑‑ piša jon. – Pakul mova ŭsprymajecca jak mova pratestu, jana zdolnaja pryciahvać moładź». A.Dyńko prahnazuje dla biełaruskaj movy los katalanskaj: ź pieramohaj demakratyi mova atrymaje mahčymaści svabodnaha raźvićcia, a rost uzroŭniu siaredniaj adukacyi stvoryć instrumenty dla lepšaha avałodańnia joju tymi, chto chacieŭ by na joj razmaŭlać. Pry adnoj umovie: kali ŭ časy dyktatury buduć znachodzicca ludzi, jakija buduć movu aktyŭna abaraniać. Čym chutčej mova atrymaje svabodu, tym bolej budzie ŭ jaje šancaŭ na adradžeńnie.
U numary źmieščanaja taksama hruntoŭnaja hutarka z redaktaram Anhła‑biełaruskaha słoŭnika Siarhiejem Šupam, artykuły Aŭhiena Ŭsošyna «Źniščeńnie i ŭvaskrasieńnie biełaruskaha Kaściołu», recenzii Alesia Paškieviča na knihu Michasia Kazłoŭskaha, Vitala Skałabana na pieravydańnie Karskaha i šykoŭny raman Siarhieja Žadana «Depeš Mod»
№ 12 adkryvajecca kruhłym stałom «Hazavaja vajna jak sposab stratehičnaha partnerstva» z udziełam Alaksandra Čubryka, Natalli Tahanovič, Dzianisa Mieljancova, Siarhieja Vaźniaka i Alaksieja Janukieviča.
U tym samym numary drukujucca ese i artykuły na asnovie dakładaŭ, što prahučali na mižnarodnaj navukovaj kanferencyi «Hieapalityčnaje miesca Biełarusi ŭ Eŭropie i śviecie», što adbyłasia ŭ Varšavie i vyklikali hnieŭny vodhuk dziaržaŭnaha ahienctva BiełTA, napisany na asnovie daniasieńnia dasłanaha na kanferencyju ahienta.
Litaraturnuju častku azdablaje raman Uiljama Hibsana «Neŭramantyk»
Pakolki ŭ kniharniach i «Biełsajuzdruku» pradavać «ARCHE» zabaroniena, pytajciesia numary ŭ niezaležnych raspaŭsiudnikaŭ abo padpisvajciesia na časopis.
Kamientary