Pra heta havorycca ŭ zajavie, raźmieščanaj na aficyjnym sajcie Ministerstva zamiežnych spraŭ Polščy.
«My znoŭ stali śviedkami taho, jak biełaruski režym vykarystoŭvaje mnostva represiŭnych instrumientaŭ dla padaŭleńnia aktyŭnaści demakratyčnych sił: naprykład, previentyŭnyja aryšty, zatrymańni žurnalistaŭ, błakavańnie internetu i vykarystańnie ślazistaha hazu», — adznačajecca ŭ zajavie.
Jak adznačaje MZS Polščy, biełaruskaje hramadstva «ŭsio bolš i bolš vystupaje za pieramieny». U zajavie padkreślivajecca, što mirnyja pratesty «niemahčyma biaskonca dušyć źbivańniami i aryštami». «Niemahčyma zabaranić niezaležnym ŚMI aśviatlać ich. I asudžeńnie žurnalista Ihara Bancara na 10 sutak paćviardžaje, što ŭłady bajacca svabody słova», — havorycca ŭ dakumiencie.
«My vykazvajem našu pavahu advazie tych biełarusaŭ, jakija adstojvajuć svajo prava žyć svabodnymi, — havorycca ŭ zajavie. — My znoŭ zaklikajem ułady vyzvalić i reabilitavać usich palityčnych źniavolenych i ŭsich tych, chto byŭ zatrymany paśla padziej 19 śniežnia 2010 hoda, a taksama da dyjałohu z apazicyjaj — dla vyhady Biełarusi i biełarusaŭ».
Ciapier čytajuć
Na mitynhu ŭ Vilni zatrymali pravakatara. A Cichanoŭski zajaviŭ pra namier dabivacca sustrečy ź Zialenskim11
Kamientary