Na ciepłachodie było kala 50 dziaciej. Na ciepłachodzie jechała 199 čałaviek pry normie 120.
U niadzielu ŭ Kujbyšaŭskim vadaschoviščy ŭ Tatarstanie patanuŭ prahułačny ciepłachod «Bułharyja». Pavodle źviestak na ranicu paniadziełka (infarmacyja MNS Tatarstana), na borcie ciepłachoda znachodzilisia 199 čałaviek, vyratavanyja 79. MNS Tatarstana taksama zajaŭlaje, što na ciepłachodzie było kala 50 dziaciej.
Ułady paćvierdzili hibiel pakul tolki adnoj žančyny. Dvoje turystaŭ zmahli sami dabracca da bieraha.
paniadziełak, 7:55
Ranicaj paniadziełka ratavalnikam udałosia abśledavać ŭnutranyja pamiaškańni sudna.
"Pieršačarhovaja zadača była pravieryć muzyčnuju zału, restarany, bary, dzie zvyčajna byvaje šmat narodu. Nočču prastukvali korpus i čakali mahčymych adkazaŭ, ale, na žal, adkazaŭ nie pastupiła. Zaraz aśviatlili trumy, restarany. Tam jość ludzi.
Žyvych siarod ich niama.
Infarmacyju ab vialikaj kolkaści vyjaŭlenych ciełaŭ paćvierdziŭ ahienctvu Interfaks supracoŭnik pres-słužby Pryvołžskaha rehijanalnaha centra MNS Rasii Michaił Turkoŭ.
Adkazvajučy na pytańnie ab achviarach, jon adkazaŭ: "Tak, znojdzienyja".
***
Jak pieradaje dziaržaŭny telekanał «Rasija», ciepłachod, mahčyma, byŭ pierahružany. Pieršapačatkova sudna było raźličana na 120 pasažyraŭ, adnak biletaŭ na račnuju prahułku 10 lipienia było pradadziena značna bolš.
Pa słovach adnaho ź vidavočcaŭ avaryi, dniom u hetym miescy Vołhi bušavała navalnica, paviedamlaje hazieta.ru.
Adzin z tych, chto vyžyŭ, raspavioŭ, što ciepłachod raptam nachiliŭsia na pravy bort i vielmi chutka pajšoŭ na dno.
«Nichto ničoha nie zrazumieŭ».
Jak paviedamiŭ sajt MNS Tatarstana viečaram u niadzielu, na borcie ciepłachoda byli 150 turystaŭ, 22 členy ekipaža, 12 rabotnikaŭ restarana i 4 animatary. Potym pavodle ŭdakładnienych źviestak, stała viadoma, što na ciepłachodzie było 199 čałaviek, u tym liku 50 dziaciej.
Adzin z vyratavanych pasažyraŭ zajaviŭ žurnalistam, što padčas trahiedyi zahinuła šmat dziaciej. Pa jaho słovach,
litaralna za niekalki chvilin da trahiedyi ŭ dziciačy pakoj na druhoj pałubie na karmie sabrali dziaciej, kala 30 čałaviek, kab pahulać.
«Bajusia, što mnohija ź ich zahinuli», — skazaŭ jon «Interfaksu».
Pavodle jaho słoŭ, asnoŭnaja pryčyna trahiedyi — toje, što ciepłachod byŭ vielmi stary.
«U niejki momant jon zavaliŭsia na pravy bok, pierakuliŭsia i litaralna za try chviliny pajšoŭ na dno. U hety čas była navalnica i mocny doždž. Zahinułych vielmi šmat», — skazaŭ pasažyr. U jaho samoha patanuli žonka i ŭnuk.
Vyratavalnaja apieracyja budzie praciahvacca i nočču.
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu8
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary