Apovied pra nasatych vaładaroŭ
Ja dobra pamiataju hetuju karcinu pa repradukcyi. Ale nia viedaŭ, ci heta alejny žyvapis, ci hrafika. Pamiataju tolki jaskravy vobraz palešuka, jaki ŭpeŭniena kročyć uściaž čaratoŭ, u jakich staić busieł. Niachitry, ale trapny iraničny apovied pra žycharoŭ bahnistaj baćkaŭščyny. Karcina «Haspadar», napisanaja maładym hadavancam teatralna-mastackaha instytutu Ryhoram Taboličam, stała chrestamatyjnaju. I voś jana, pierada mnoju. Šmat mienšaha farmatu, čym ja čakaŭ. Ale adčułasia niešta padzabytaje, svojskaje... Z vodaram ajeru, miaty j tvani.
Ja dobra pamiataju hetuju karcinu pa repradukcyi. Ale nia viedaŭ, ci heta alejny žyvapis, ci hrafika. Pamiataju tolki jaskravy vobraz palešuka, jaki ŭpeŭniena kročyć uściaž čaratoŭ, u jakich staić busieł. Niachitry, ale trapny iraničny apovied pra žycharoŭ bahnistaj baćkaŭščyny. Karcina «Haspadar», napisanaja maładym hadavancam teatralna-mastackaha instytutu Ryhoram Taboličam, stała chrestamatyjnaju. I voś jana, pierada mnoju. Šmat mienšaha farmatu, čym ja čakaŭ. Ale adčułasia niešta padzabytaje, svojskaje... Z vodaram ajeru, miaty j tvani.
Tady, napačatku 1980-ch, Ryhor Tabolič uvajšoŭ u našaje mastactva žyvapisnym tryptycham, pryśviečanym Maksimu Bahdanoviču. I nastupnyja pałotny tryvała asacyjujucca z nacyjanalna-ramantyčnaju płyniaju. Dziŭnyja kampazycyjnyja ci ŭłasna žyvapisnyja adkryćci Taboliča («Stary kałodziež» ci nizka «Kolery») hublajucca.
U ekspazycyi «Vytokaŭ» — bolš za 100 žyvapisnych pracaŭ u samych roznych žanrach, technikach i... stylach. Znajšłosia miesca j ścipłaj instalacyi. Hieraičnaje minułaje Biełarusi, luboŭ da ziemlakoŭ i svajakoŭ pieramiašanyja na vystavie z naturmortami, pejzažami, abstrakcyjami. Tabolič — haspadar usich formaŭ, farbaŭ i roznaha kštałtu cytataŭ ad Pikasa i Šahała da Savickaha j Maračkina.
Vystava adkryvajecca novym pałatnom «Kupała i Kołas u Mahilovie». Narodnyja pieśniary siarod prychilnikaŭ na hanku Mahiloŭskaha teatru. Tradycyjny siužet u tradycyjnym vykanańni. Karcina mahła b upryhožyć faje taho samaha teatru.
Ryhor Tabolič — stvaralnik i haspadar pieršaje pryvatnaje halerei ŭ Mahilovie, dyrektaram jakoje — jahonaja žonka, mastačka Maryja Tabolič. Adkryćcio halerei ŭ 2000 h. u horadzie, dzie ŭžo jość i muzej Białynickaha-Biruli, i halereja imia Maślenikava, stała vialikaj padziejaj.
Mastak stvoryć jašče bahata roznych rečaŭ, što majuć šaniec raźlaciecca pa śviecie, usłaŭlajučy Biełaruś. Ale chiba ništo nie zapomnicca hetak tryvała, jak jahony «Haspadar», apovied pra dvuch nasatych vaładaroŭ Paleśsia: palešuka j busła. Apovied pra toje, što tvorcu było nasamreč blizka j zrazumieła. Biaz štučnaha patasu j pretenzijaŭ achapić nieachopnaje...
Kamientary