Biełaruś aceńvaje 51% akcyj STAA «MTS» u $960–970 młn
Biełaruś aceńvaje 51% akcyj sumiesnaha TAA «MTS» u 960–970 młn. dołaraŭ. Pra heta paviedamiŭ napres-kanfierencyi ŭ Minsku 21 lipienia staršynia Dziaržaŭnaha kamiteta pa majomaści Hieorhij Kuźniacoŭ.
«Pavodle našaj acenki, pakiet akcyj „MTS“, 51%, kaštuje 960–970 miljonaŭ dołaraŭ. Pradać my jaho chočam za 1 miljard dołaraŭ», — skazaŭ jon. Kuźniacoŭ nahadaŭ, što rasijskim akcyjanieram było prapanavana vykupić kantrolny pakiet akcyj kampanii za hetu sumu, adnak jany adkazali admoŭna. Pavodle słoŭ kiraŭnika Dziaržkammajomaści, rasijanie prapanavali vykupić kantrolny pakiet za 400–500 młn. dołaraŭ.
Takuju roźnicu ŭ acency Kuźniacoŭ rastłumačyŭ tym, što Biełaruś, jak pradaviec, zaŭsiody stavić zadaču acanić aktyvy pa maksimumie. Sa svajho boku patencyjalnyja pakupniki pravodziać svaju acenku, i prapanavanaja imi cana minimalnaja. U pracesie pieramoŭ tradycyjna idzie vyraŭnoŭvańnie cany, zaznačyŭ Kuźniacoŭ.
Pavodle jaho słoŭ, užo padrychtavany i ŭniesieny ŭ Saŭmin pakiet dakumientaŭ ab prodažy kantrolnaha pakieta kampanii «MTS» na aŭkcyjonie. Zaraz jany prachodziać uzhadnieńnie z Kamitetam dziaržkantrolu, KDB, MUS i Vyšejšym haspadarčym sudom.
Pry hetym Kuźniacoŭ padkreśliŭ: jość i inšyja inviestary, jakija cikaviacca biełaruskim pradpryjemstvam. Ale ich, dapoŭniŭ jon, naściarožvaje «adno pytańnie — składany statut». Pavodle słoŭ kiraŭnika kamiteta, u statucie jość punkt, zhodna ź jakim inviestar, navat ź`iaŭlajučysia trymalnikam kantrolnaha pakieta akcyj, nie moža prymać samastojnaje rašeńnie. U adpaviednaści sa statutam lubyja rašeńni pavinny prymacca sumiesna ź inšymi akcyjanierami.
Kuźniacoŭ zaznačyŭ, što ŭ vypadku pierahladu koštu pakieta akcyj u bok jaho panižeńnia Biełaruś pavinna budzie ŭ pieršuju čarhu prapanavać kuplu pakieta pa novaj canie rasijskim akcyjanieram.
***
Sumiesnaje tavarystva z abmiežavanaj adkaznaściu «Mabilnyja TeleSistemy» zarehistravana ŭ MZS Biełarusi ŭ krasaviku 2002 hoda. Zasnavalnikami kampanii ź`iaŭlajucca: ź biełaruskaha boku — RUP «Biełtelekam», z rasijskaha — AAT «Mabilnyja TeleSistemy».
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks30
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary