Advakaty Iryny Chalip i Mikity Lichavida nie prajšli atestacyju.
Advakaty palitviaźniaŭ Iryny Chalip i Mikity Lichavida nie prajšli atestacyju.
Nahadajem, što Miniust inicyjavaŭ praviadzieńnie hetym letam pazačarhovaj atestacyi advakataŭ. Jak paviedamiła sajtu charter97.org žurnalistka Iryna Chalip, žonka kandydata ŭ prezidenty Andreja Sańnikava, siońnia stała viadoma, što jaje advakat Hanna Bachcina nie prajšła pieraatestacyju ŭ Miniuście. Heta aznačaje, što Bachcina budzie pazbaŭlenaja licenzii na advakackuju dziejnaść.
«Staršynia atestacyjnaj kamisii — načalnik upraŭleńnia justycyi Minharvykankama Zielanko. Na pasiadžeńni kamisii jon zajaviŭ, što ŭ Bachcinoj nibyta byli parušeńni ŭ advakackaj dziejnaści. Ale hetaja fraza zavisła ŭ pavietry, bo paćvierdzić jamu heta ničym nie ŭdałosia. Potym Zielanko sam zrazumieŭ, što heta biazdokazna. U advakata nie było nijakich parušeńniaŭ, a ŭ 2010 hodzie Bachcina za svaju bliskučuju pracu navat atrymała hramatu Miniusta z farmuloŭkaj — «za abaronu pravoŭ i svabodaŭ hramadzian». I kali pytańnie pra parušeńni «zavisła», bo nijakich parušeńniaŭ nichto nie moh kanstatavać, Bachcinie pastavili ŭ vinu, što jana nie zajmałasia prapahandaj justycyi, nie pisała artykuły ŭ aficyjnyja haziety i nie vystupała pa radyjo i telebačańni.
Ale sprava ŭ tym, što z traŭnia minułaha hoda pa červień hetaha Bachcina była zadziejničanaja ŭ vielizarnym sudovym pracesie, u jakim było 40 abvinavačanych. Praces doŭžyŭsia hod, i jana była zaniataja z 10 ranicy da 6 viečara kožny dzień. Paralelna jana znajšła čas na mianie, naviedvała mianie pad chatnim aryštam, rychtavałasia da pracesu i bliskuča jaho praviała. Bachcina nie pabajałasia bracca za maju abaronu, u toj čas jak dvuch advakataŭ, jakija abaraniali mianie, pazbavili licenzii «, — raspaviała Iryna Chalip.
Na pasiadžeńni atestacyjnaj kamisii Hanna Bachcina zajaviła, što budzie abaraniać siabie i prosta tak nie zdasca.
«Ja źviazvaju ciapierašnija prablemy Hanny Bachcinoj ź jaje bliskučymi vystupami padčas sudovaha pracesu pa majoj spravie, i asabliva padčas razhladu kasacyjnaj skarhi, kali jana nie pabajałasia nahadać sudovaj kalehii, što ŭsie našy spravy rana ci pozna buduć pierahladacca. I tyja, chto vynosiŭ niespraviadlivyja prysudy, paniasuć adkaznaść. Kali išoŭ praces, prysutnyja zachodnija dypłamaty kazali adnu frazu: «Takoha b advakata dy ŭ narmalny sud», — zajaviła Iryna Chalip.
Siońnia ž stała viadoma, što atestacyju nie prajšła Darja Lipkina — advakat inšaha palitviaźnia, Mikity Lichavida.
Nahadajem, u lutym Miniust pazbaviŭ licenzijaŭ čatyroch advakataŭ Minskaj haradskoj kalehii advakataŭ — Aleha Ahiejeva, Taćcianu Ahiejevu, Uładzimira Toŭścika i Tamaru Harajevu, jakija abaraniali fihurantaŭ spravy pra tak zvanyja masavyja biesparadki ŭ Miensku 19 śniežnia. 3 sakavika z składu kalehii byŭ vyklučany advakat kandydata ŭ prezidenty Andreja Sańnikava Pavał Sapiełka.
Što zapisana aficyjnaj pryčynaj śmierci adzinaha syna Jarmošynaj?7
Kamientary