Sud paćvierdziŭ: čałaviek biez ruki, asudžany za akcyju apładysmientaŭ, vinavaty
Sudździa Anatol Zajac z Hrodzienskaha abłasnaha suda nie zadavoliŭ skarhu invalida Kanstancina Kaplina.
Skarhu Kanstancina Kaplina, asudžanaha za ŭdzieł u akcyi maŭklivaha pratestu 3 lipienia Hrodzienski abłasny sud pakinuŭ biez zadavalnieńnia.
Invalid Kaplin, jaki nie maje pravaj ruki, byŭ zatrymany ŭ toj dzień na Savieckaj płoščy Hrodna za toje, što, jak vynikała ź milicejskaha pratakołu, jon «plaskaŭ u ładki».
6 lipienia haradski sud Hrodna pryznaŭ jaho vinavatym va ŭdziele ŭ niezakonnym šeści i pakaraŭ štrafam u pamiery 1 050 000 rubloŭ. Heta rašeńnie Kaplin abskardziŭ u abłasnym sudzie.
Na sudovym pracesie 9 žniŭnia sudździa Anatol Zajac skarhu invalida nie zadavoliŭ. U Kaplina była maleńkaja, ale ŭsiotki nadzieja na toje, što abłasny sud admienić rašeńnie haradskoha suda.
«Zdavałasia, ludzi pavinny razumieć usiu duraść takich voś rašeńniaŭ», —skazaŭ jon.
Pa infarmacyi hrodzienskaha pravaabaroncy Viktara Sazonova, za apošnija 10–12 hadoŭ nivodnaja skarha, jakaja tak ci inakš maje palityčny charaktar, nie była zadavolena. «Stvorana sistema, i jana baicca štości źmianić. U jaje jość zadača pasadzić i aštrafavać vyznačanuju kolkaść ludziej, i sudździ vykonvajuć, uśviedamlajučy pry hetym usiu absurdnaść», — prakamientavaŭ rašeńnie suda pravaabaronca.
Intervju z Kanstancinam Kaplinym — čałaviekam biez ruki, jakoha asudzili za apładysmienty
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1111
Kamientary