Ministerstva adreahavała na zvaroty pravaabaroncaŭ u AAN.
Ministerstva adreahavała na zvaroty pravaabaroncaŭ u AAN.
Ministerstva justycyi paabiacała Biełaruskamu Chielsinskamu kamitetu «bolš žorstkija miery adkaznaści» ŭ vypadkach «dalejšych parušeńniaŭ dadzienaj arhanizacyjaj patrabavańniaŭ zakanadaŭstva». Pra heta havorycca ŭ admysłovym paviedamleńni na sajcie Miniusta. Takim čynam ministerstva adreahavała na zvarot pravaabaroncaŭ u AAN pa pytańni niezaležnaści sudździaŭ i advakataŭ, a taksama na publikacyju ŭ internecie pad zahałoŭkam «Biełaruskaja Pravaabarončy Supolnaść źviarnułasia dy śpiecdakładčyka AAN».
«U tekstach publikacyi i zvarotu ŭtrymlivałasia infarmacyja ab pazbaŭleńni Ministerstvam justycyi Respubliki Biełaruś niekatorych advakataŭ licenzii na prava ažyćciaŭleńnia advakackaj dziejnaści. U suviazi z vyšejpakazanym Ministerstva justycyi Respubliki Biełaruś zapatrabavała ŭ RPHA “BCHK” tłumačeńni pa faktach raspaŭsiudžvańnia nazvanaj infarmacyi, pakolki Ministerstva justycyi nijakich rašeńniaŭ u dačynieńni da zhadanych advakataŭ nie prymała», — havorycca ŭ zajavie Miniusta. — «Z atrymanaha adkazu RPHA “BCHK” vynikaje, što čytačam sajta RPHA “BCHK” i adpaviednym advakatam dadzienaja arhanizacyja pryniesła svaje prabačeńni. Ministerstvu justycyi taksama paviedamlena, što “śpiecdakładčyk AAN prainfarmavany ab prachodžańni pieraatestacyi advakatami A. Bachcinaj i D. Lipkinaj”.
Ministerstva justycyi zapatrabavała ad BCHK pradstavić u trochdzionny termin kopiju listoŭ u AAN, jakija asprečvajuć raniej dadzienuju infarmacyju», a taksama raźmiaścić na svaim sajcie praŭdzivuju infarmacyju.
Ministerstva justycyi nahadała kiraŭnictvu BCHK pra sistematyčnaje parušeńnie zakanadaŭstva — u 2011 hodzie arhanizacyi było vyniesiena dva piśmovych papiaredžańnia. «U vypadkach dalejšych parušeńniaŭ dadzienaj arhanizacyjaj patrabavańniaŭ zakanadaŭstva Ministerstva justycyi pakidaje za saboj prava na prymianieńnie da RPHA “BCHK” bolš žorstkich mier adkaznaści», — havorycca naprykancy zajavy.
Ciapier čytajuć
Ministr suviazi: Abmiežavańni mabilnaha internetu zakranuć 1,7 miljona biełarusaŭ1
Kamientary