VRUP «Biełaruski cemientny zavod» (BCZ) robić pieršyja kroki pa vykarystańni pyłavuhalnaha paliva ŭ cemientnaj pramysłovaści: pradpryjemstva daterminova ŭklučyła hety vid paliva ŭ technałahičny łancužok,paviedamili ŭ Ministerstvie budaŭnictva i architektury.
Tak, kitajskaja kampanija Citic International Cooperation CO, LTD vykanała nieabchodnyja puskanaładačnyja pracy, i z 30 žniŭnia praca piečy № 2 cemientnaha zavoda ažyćciaŭlajecca na pyłavuhalnym palivie. Adnak budaŭnictva novych technałahičnych linij na pradpryjemstvie jašče praciahvajecca, adznačyli ŭ Minbudarchitektury.
Śpiecyjalisty ministerstva padkreślili, što pry poŭnym pieravodzie vytvorčaści klinkieru z pryrodnaha hazu na vuhal i pry ŭmovie spažyvańnia ŭ siarednim 30 tys. t. vuhalu ŭ miesiac BCZ značna źnizić vydatak impartavanaha hazu i budzie štomiesiac ekanomić $ 2,4 młn. Anałahičny prajekt budzie zavieršany ŭ AAT «Krasnasielskbudmateryjały» ŭ kancy 2011 hoda.
Pieraabstalavańnie hetych stratehična značnych dla respubliki pradpryjemstvaŭ ažyćciaŭlajecca pry realizacyi najvažniejšych inavacyjnych prajektaŭ. Tak, ukaranieńnie sučasnych enerhaźbierahalnych technałohij u BCZ, AAT «Krasnasielskbudmateryjały» i VRUP «Kryčaŭcemientnašyfier» daść mahčymaść zabiaśpiečyć pryrost u 2015 hodzie mahutnaściaŭ pradpryjemstvaŭ u dva razy. Ahulny košt inviestycyjnych prajektaŭ składaje $ 1,3 młrd.
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady2
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary