Rusłan Salej raźbiŭsia razam z «Łakamatyvam»

U sieradu, u 15:05, paśla vyletu ź Jarasłaŭla ŭ Minsk raźbiŭsia samalot JAK-42 z kamandaj CHK «Łakamatyŭ» na borcie. Zahinuli 43 čałavieki z 45: uvieś asnoŭny skład kamandy, treniery, členy ekipaža.

Siarod zahinułych biełaruskija chakieisty — Rusłan Salej i Siarhiej Astapčuk, a taksama trenier pa fizpadrychtoŭcy Mikałaj Kryvanosaŭ (1980 hoda naradžeńnia), syn viadomaha chakieista Ivana Kryvanosava.

«Łakamatyŭ» lacieŭ u Minsk, dzie 8 vieraśnia mieŭsia zhulać matč čempijanatu KCHŁ ź minskim «Dynama». Heta hulnia admieniena, a viečaram čaćviarha ŭ «Minsk-Arenie» projdzie žałobnaja cyrymonija.

Pavodle viersii Rasavijacyi, samalot pry ŭźlocie začapiŭsia za mačtu kursavoha majaka. Hazieta.ru i Priessboł zaznačajuć, što z pryčyny VIP-samita ŭ Jarasłaŭli z udziełam prezidenta RF Dźmitryja Miadźviedzieva samalot uźlataŭ z zapasnoj pałasy i nie paśpieŭ naležna razahnacca.

Hazieta.ru: Łakamatyŭ pryciahvaŭ trahiedyi.

00:30

MNS Rasii apublikavała śpis pasažyraŭ i členaŭ ekipaža, što znachodzilisia na borcie samalota Jak-42, u jakim ź Jarasłaŭla ŭ Minsk na matč KCHŁ nakiroŭvalisia chakieisty jarasłaŭskaha «Łakamatyva». Siarod ich — biełaruskija hulcy Rusłan Salej i Siarhiej Astapčuk.

Ekipaž

1. Andrej Sałoncaŭ
2. Ihar Ževiełaŭ
3. Siarhiej Žuraŭloŭ
4. Uładzimir Maciuškin
5. Alaksandr Sizoŭ (vyžyŭ)
6. Alena Sarmatava
7. Nadzieja Maksumava
8. Alena Šavina

Pasažyry

1. Vital Anikiejenka
2. Juryj Bachvałaŭ
3. Alaksandr Bialajeŭ
4. Michaił Bałandzin
5. Alaksandr Vasiunoŭ
6. Jozef Vašyčak
7. Alaksandr V`iuchin
8. Alaksandr Halimaŭ (vyžyŭ)
9. Robiert Dytrych
10. Pavoł Dziemitra
11. Andrej Zimin
12. Marat Kalimulin
13. Alaksandr Karpoŭcaŭ
14. Alaksandr Kalanin
15. Andrej Kiruchin
16. Mikita Klukin
17. Ihar Karaloŭ
18. Mikałaj Kryvanosaŭ
19. Jaŭhien Kunaŭ
20. Viačasłaŭ Kuźniacoŭ
21. Stefan Liŭ
22. Jan Marek
23. Bred Makkrymon
24. Siarhiej Astapčuk
25. Uładzimir Piskunoŭ
26. Kareł Rachuniek
27. Jaŭhien Sidaraŭ
28. Karlis Skraścinyš
29. Rusłan Salej
30. Pavieł Snurnicyn
31. Danił Sobčanka
32. Ivan Tkačenka
33. Pavieł Trachanaŭ
34. Ihar Uryčaŭ
35. Hienadź Čuryłaŭ
36. Maksim Šuvałaŭ
37. Arciom Jarčuk

Raniej u MNS Rasii BiełaPAN paćvierdzili hibiel biełaruskich chakieistaŭ. U toj ža čas, pavodle infarmacyi šerahu ŚMI, Saleja nie było na borcie samalota — jon byccam by prybyŭ u Minsk raniej.

BiełaPAN

MNS Rasii paviedamlaje, što ŭ vyniku avijakatastrofy samalota Jak-42 ŭ Jarasłaŭskaj vobłaści zahinuli 44 čałaviek, adzin ci dvoje vyžyli.

Pavodle apošniaj infarmacyi ad MNS Rasii, Jak-42 raźbiŭsia za 2 km ad aeraporta Tunošna ŭ Jarasłaŭli. Pavodle apošnich źviestak, z 45 čałaviek, jakija znachodzilisia na borcie (asnoŭny skład kamandy), 44 zahinuli. Pavodle roznych źviestak zahinuŭšych moža być 43. Paviedamlajecca, što vyžyŭ bortmiechanik i adzin z chakieistaŭ (mahčyma, udzielnik zbornaj Rasii pa chakieii Alaksandr Halimaŭ).

U MNS adznačyli, što samalot lacieŭ ź Jarasłaŭla ŭ Minsk na matč z «Dynama», što mieŭsia prajści 8 vieraśnia na «Minsk-Arenie.

Pryčyny taho, što adbyłosia vyśviatlajucca. Na miesca vyjechali ratavalniki i pradstaŭniki ŭsich apieratyŭnych słužbaŭ.

«Krušeńnie samalota adbyłosia ŭ 15:05 pavodle minskaha času. Paviedamlajecca, što paśla ŭźlotu prahučali dva chłapki». Rosavijacyi paviedmlaje, što samalot Jak-42 sutyknuŭsia z majakom. «Paśla adryvu ad uźlotna-pasadačnaj pałasy, sutyknuŭsia z antenaj majaka, jakaja raźmiaščałasia za pałasoj, paśla čaho sutyknuŭsia ź ziamloj i zahareŭsia», — paviedamili ŭ Rosavijacyi.

Pavodle papiaredniaj infarmacyi na borcie znachodzilisia hramadzianie Rasii, Hiermanii, Łatvii, Čechii, Słavakii, Biełarusi, Šviecyi, Kanady.

Za CHK «Łakamatyŭ» vystupajuć biełarusy Rusłan Salej i Siarhiej Astapčuk.

Matč CHK «Dynama-Minsk» — CHK «Łakamatyŭ», što mieŭsia prajści ŭ čaćvier na «Minsk-Arenie», admienieny.

***

Na niekatorych rasijskich sajtach źjaviłasia infarmacyja, što Rusłan Salej moh čakać kamandu ŭ Minsku. Jahony numar telefona niedastupny, siabry taksama ničoha nie viedajuć pra jahony los.

***

Rusłan Salej naradziŭsia 2 listapada 1974 hoda ŭ Minsku. Vychavaniec chakiejnaj škoły «Junactva».

U 1996 byŭ zadraftavany kłubam NCHŁ «Anachajm Majci Daks» pad dziaviatym numaram. Vyšej u drafcie nichto ź biełarusaŭ pakul nie padymaŭsia. Vosiem siezonaŭ jon adhujaŭ u NCHŁ za «mahutnym kačaroŭ».

U 2003 Rusłan Salej braŭ udzieł u finale Kubka Stenli. U adnoj z hulniaŭ jahony bliskučy kidok u oviertajmie prynios «Anachajmu» pieramohu. Praŭda, u sieryi jany tak i sastupili.

Potym u karjery Rusłana byli «Fłoryda», «Kałarada» i «Detrojt». Va ŭsich hetych kamandach biełaruski abaronca byŭ «žaleznym» hulcom asnovy.

Nichto ź biełarusaŭ nie pravodziŭ bolš matčaŭ u NCHŁ za Salej. Napiaredadni novaha siezona chakieist pierajechaŭ u jarasłaŭskim «Łakamatyŭ», dzie jamu prapanoŭvali dobryja hrošy.

Varta taksama adznačyć, što Rusłan byŭ kapitanam nacyjanalnaj chakiejnaj zbornaj Biełarusi.

Rusłan žanaty z amierykankaj Beci. Niadaŭna ŭ ich naradziłasia treciaje dzicio.

***

Siarhiej Astapčuk naradziŭsia 19 sakavika 1990 hoda ŭ Navapołacku. U rańnim uzroście pierajechaŭ ź Biełarusi ŭ Jarasłaŭl. U susiedniaj krainie jon pryniaŭ rasijskaje hramadzianstva. Praŭda, apošnim časam vielmi spadziavaŭsia, što fiederacyja chakieja zmoža damovicca z «Łakamatyvam», kab Astapčuku dazvolili hulać za biełaruskuju zbornuju.

U minułym siezonie Astapčuk zmoh zamacavacca ŭ asnoŭnym składzie jarasłaŭskaha kłuba.

***

Heta nie pieršaja padobnaja trahiedyja źviazanaja ź Minskam. 11 žniŭnia 1979 hoda ŭ niebie nad Dnieprapiatroŭskam (Ukraina) raźbilisia adrazu dva samaloty. Adzin ź ich vykonvaŭ rejs Taškient — Minsk.

Na borcie byli futbalisty ŭźbieckaha «Pachtakora», što lacieli na hulniu ŭ stalicu BSSR.

• 0
• 0
• 0
• 0
• 0
• 0