Staršynia Kamitetu pa spravach relihijaŭ i nacyjanalnaściaŭ Leanid Hulaka ličyć, što ŭ minułym hodzie nie nazirałasia surjoznych kanfliktaŭ i supiarečnaściaŭ na etnakanfesijnaj hlebie. U hetym planie sytuacyja zachoŭvałasia «stabilnaj, prahnazavanaj i kiravanaj», upeŭnieny staršynia kamitetu.
Staršynia Kamitetu pa spravach relihijaŭ i nacyjanalnaściaŭ Leanid Hulaka ličyć, što ŭ minułym hodzie nie nazirałasia surjoznych kanfliktaŭ i supiarečnaściaŭ na etnakanfesijnaj hlebie. U hetym planie sytuacyja zachoŭvałasia «stabilnaj, prahnazavanaj i kiravanaj», upeŭnieny staršynia kamitetu.
Hulaka vysoka acaniŭ rolu pravasłaŭnaj carkvy ŭ žyćci biełaruskaha hramadztva. Pry hetym jon spasłaŭsia na sacyjalahičnaje apytańnie, praviedzienaje BDU. Pavodle vynikaŭ zhadanaha apytańnia, 95 % respandentaŭ, niezaležna ad ułasnaj kanfesijnaj prynaležnaści, prychilna staviacca da pravasłaŭnaj carkvy. Sp. Hulaka miarkuje, što heta «paćviardžaje vyklučna vysoki aŭtarytet pravasłaŭja ŭ sučasnym biełaruskim hramadztvie, rost davieru da jaho». Pavodle čynoŭnika, daśledvańnie vyśvietliła i takuju akaličnaść: za apošnija dzieviać hod kolkaść viernikaŭ uzrasła na 11 %, na siońnia viernikami siabie ličać amal 60 % biełarusaŭ.
Zajavy staršyni relihijnaha kamitetu hučać dastatkova niečakana na tle niadaŭnich vykazvańniaŭ hałoŭnaha ideolaha krainy Anatola Rubinava nakont roli carkvy ŭ žyćci hramadztva.
Varta adznačyć, što ŭ minułym hodzie šyroki mižnarodny rezanans vyklikała akcyja pratestu viernikaŭ pratestanckaj carkvy «Novaje žyćcio», jakija naładzili praciahłuju post‑haładoŭku, abaraniajučy prava na budynak carkvy. Uśled za imi takuju ž akcyju zładzili vierniki adnaho z haradzienskich katalickich prychodaŭ. Haładoŭka, jakuju raspačaŭ a. Šemiet, pryviała da pieramohi haładoŭnikaŭ, jakija atrymali ad haradzienskich uładaŭ prava na budaŭnictva kaściołu. Taksama ciaham hodu nie spyniaŭsia cisk na siabraŭ apalnaha Sajuzu palakaŭ u Biełarusi. U listapadzie minułaha hodu suprać kiraŭnički niepryznanaha ŭładami Sajuzu była ŭžytaja hrubaja pravakacyja. Zatrymańni i aryšty siabraŭ arhanizacyi nie spyniajucca dahetul.
Fota photo.bymedia.net
Ciapier čytajuć
Kaleśnikava: Ja nie razumieju, čamu Jeŭropa nie pačała pieramovy z Łukašenkam raniej za ZŠA36
Kamientary