«Ručkami svaimi źbiaruć, pryviazuć i buduć spažyvać»: minskich staršakłaśnikaŭ adpraviać na bulbu i buraki
Staršakłaśnikaŭ minskich škoł mohuć pryciahnuć da ŭborki aharodniny ŭ haspadarkach krainy.
Daručeńnie prapracavać adpaviednaje pytańnie daŭ słužbam harvykankama staršynia Minharvykankama Mikałaj Ładućka siońnia na apieratyŭnaj naradzie ŭ harvykankamie.
«U krainie pačałasia aktyŭnaja ŭborka bulby i aharodniny. Kamitetu pa adukacyi harvykankama nieabchodna vyvučyć pytańnie i arhanizavać udzieł staršakłaśnikaŭ va ŭborcy ŭradžaju», — skazaŭ mer horada.
Jon padkreśliŭ, što słužby horada sumiesna z kambinatami školnaha charčavańnia pavinny farmiravać umovy, kab navučency staličnych škoł užyvali naturalnyja soki. Dla hetaha nieabchodna narychtavać bolš burakoŭ i morkvy i zakupić adpaviednaje abstalavańnie.
«Ručkami svaimi źbiaruć, pryviazuć i buduć spažyvać», — rastłumačyŭ inicyjatyvu staršynia Minharvykankama.
Mikałaj Ładućka ŭpeŭnieny, što baćki ŭsprymuć z razumieńniem udzieł dziaciej u sielhasrabotach. «Ja razmaŭlaŭ z maci školnikaŭ. I na pytańnie, addadzicie vy 1 tys. rubloŭ za stakan naturalnaha soku abo 1,5–2 tys. za stakan niektaru, adkaz byŭ na karyść naturalnaha soku», — skazaŭ kiraŭnik Minska.
-
«Heta prosta cud, što ja palacieła». Pasažyrka samalota z Dubaja stała na bok biełarusaŭ, jakija prosiać kampiensacyju ad apieratara
-
Na aŭkcyjonie prapanujuć nabyć «kavavy kubačak»
-
Biełaruski muzyka zhubiŭ u Varšavie svoj pašpart, ale znajšoŭ inšy — nieznajomaj žančyny. A ŭžo jana dapamahła znajści jahony
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary