Prablemy, źviazanyja z hetym prajektam, abmiarkoŭvajucca siońnia ŭ jaho na naradzie.
Inviestycyjny prajekt
«Pryciahnieńnie nie tolki zamiežnaha kapitału ŭ biełaruskuju ekanomiku źjaŭlajecca dla nas adnym z pryjarytetnych napramkaŭ mižnarodnaha supracoŭnictva», — padkreśliŭ kiraŭnik dziaržavy.
Pavodle jaho słoŭ, pry ŭdziele inviestaraŭ u Biełarusi vykonvajecca šerah prahram, choć ich kolkaść zusim niedastatkovaja.
«Siońnia ŭźnikła nieabchodnaść abmierkavać dalejšy los našaha znakavaha inviestprajekta „
Ščyra kažučy, užo navat nieprystojna abmiarkoŭvać hetu prablemu na ŭzroŭni prezidenta. Jana ŭźnikaje nie pieršy raz»,— padkreśliŭ Alaksandr Łukašenka.
Jon nahadaŭ, što ŭ 2008 hodzie dla ažyćciaŭleńnia hetaha prajekta ŭ centry stalicy było vydzielena bolš za 300 ha. Pryčym ziamiel vielmi kaštoŭnych u płanie horadabudaŭnictva.
«Heta asnoŭny inviestycyjny prajekt našaj krainy»,— padkreśliŭ jon.
«Znajšli, zdavałasia b, surjoznaha inviestara. Vydali pad jaho niekalki śpiecyjalnych ukazaŭ Prezidenta. Uličvajučy pažadańni kampanii, užo niekalki razoŭ pieranosili terminy realizacyi i nieadnarazova pradstaŭlali roznyja prefierencyi», — adznačyŭ Alaksandr Łukašenka.
«Horad, jak mnie dakładvajuć, praktyčna poŭnaściu ŭziaŭ na siabie budaŭnictva sacyjalnaj infrastruktury. Inšymi słovami, byli stvorany dobryja ŭmovy dla raboty. Na žal, voz i ciapier tam, da hetaha času nie vyrašana pytańnie vynasu za miežy Minska avijaramontnaha zavoda», — kanstatavaŭ kiraŭnik dziaržavy.
Łukašenka zapatrabavaŭ rastłumačyć toj fakt,
što z 2009 hoda asvojena tolki 0,3 pracenta ad zajaŭlenaha abjomu inviestycyj.«Ci inviestar straciŭ intares da prajekta? Ci niežadańnie miascovaj ułady vieści kanstruktyŭny dyjałoh?», — zadaŭ rytaryčnyja pytańni Prezident.
«Mnie patrebna siońnia abjektyŭnaja karcina situacyi. I patrebna sumlennaja adkrytaja razmova. Hatovy budavać — budujcie. Nie — jość inviestary, treba pieradavać hety prajekt tym, chto siońnia moža budavać», — zajaviŭ kiraŭnik dziaržavy.
Jon skazaŭ, što nie treba siońnia vieści niejkija dadatkovyja razmovy ab ilhotach i pryvilejach. Dziaržava i tak dastatkova išła na ŭstupki inviestaram pa hetamu prajektu.
Ciapier čytajuć
Mabilnym apierataram zabaranili zahaniać biełarusaŭ u vialiki minus7
Mabilnym apierataram zabaranili zahaniać biełarusaŭ u vialiki minus
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary