Праблемы, звязаныя з гэтым праектам, абмяркоўваюцца сёння ў яго на нарадзе.
Інвестыцыйны праект
«Прыцягненне не толькі замежнага капіталу ў беларускую эканоміку з’яўляецца для нас адным з прыярытэтных напрамкаў міжнароднага супрацоўніцтва», — падкрэсліў кіраўнік дзяржавы.
Паводле яго слоў, пры ўдзеле інвестараў у Беларусі выконваецца шэраг праграм, хоць іх колькасць зусім недастатковая.
«Сёння ўзнікла неабходнасць абмеркаваць далейшы лёс нашага знакавага інвестпраекта „
Шчыра кажучы, ужо нават непрыстойна абмяркоўваць гэту праблему на ўзроўні прэзідэнта. Яна ўзнікае не першы раз»,— падкрэсліў Аляксандр Лукашэнка.
Ён нагадаў, што ў 2008 годзе для ажыццяўлення гэтага праекта ў цэнтры сталіцы было выдзелена больш за 300 га. Прычым зямель вельмі каштоўных у плане горадабудаўніцтва.
«Гэта асноўны інвестыцыйны праект нашай краіны»,— падкрэсліў ён.
«Знайшлі, здавалася б, сур’ёзнага інвестара. Выдалі пад яго некалькі спецыяльных указаў Прэзідэнта. Улічваючы пажаданні кампаніі, ужо некалькі разоў пераносілі тэрміны рэалізацыі і неаднаразова прадстаўлялі розныя прэферэнцыі», — адзначыў Аляксандр Лукашэнка.
«Горад, як мне дакладваюць, практычна поўнасцю ўзяў на сябе будаўніцтва сацыяльнай інфраструктуры. Іншымі словамі, былі створаны добрыя ўмовы для работы. На жаль, воз і цяпер там, да гэтага часу не вырашана пытанне вынасу за межы Мінска авіярамонтнага завода», — канстатаваў кіраўнік дзяржавы.
Лукашэнка запатрабаваў растлумачыць той факт,
што з 2009 года асвоена толькі 0,3 працэнта ад заяўленага аб’ёму інвестыцый.«Ці інвестар страціў інтарэс да праекта? Ці нежаданне мясцовай улады весці канструктыўны дыялог?», — задаў рытарычныя пытанні Прэзідэнт.
«Мне патрэбна сёння аб’ектыўная карціна сітуацыі. І патрэбна сумленная адкрытая размова. Гатовы будаваць — будуйце. Не — ёсць інвестары, трэба перадаваць гэты праект тым, хто сёння можа будаваць», — заявіў кіраўнік дзяржавы.
Ён сказаў, што не трэба сёння весці нейкія дадатковыя размовы аб ільготах і прывілеях. Дзяржава і так дастаткова ішла на ўступкі інвестарам па гэтаму праекту.
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары