Mahiloŭski vahonabudaŭničy zavod skasavaŭ kantrakty z partniorami ŭ Rasii i Kazachstanie na pastaŭku hruzavych vahonaŭ, kab zabiaśpiečyć imi ŭnutrany rynak.
Siońnia Biełaruś, jak i krainy postsavieckaj prastory, adčuvaje vostry deficyt u hruzavym ruchomym składzie ŭ suviazi z usio bolšaj kolkaściu hruzapieravozak, u tym liku ekspartnych. Tolki Biełaruskaja čyhunka maje patrebu štohod abnaŭlać 2 tys. adzinak hruzavych vahonaŭ, a pakolki mahutnaści mahiloŭskich vahonabudaŭnikoŭ pakul nie dazvalajuć zabiaśpiečvać unutrany popyt, davodzicca tracić valutu i zakuplać vahony za miažoj. Tamu ŭradam krainy i było pryniataje rašeńnie ab pracy zavoda tolki na zabiaśpiečańnie biełaruskaha rynku. Da kanca hoda Mahiloŭski vahonabudaŭničy zavod budzie pracavać tolki na biełaruskich spažyŭcoŭ — 500 vahonaŭ pastavić BČ i 700
Pavodle słovaŭ dyrektara SZAT «Mahiloŭski vahonabudaŭničy zavod» Valeryja Osipava, siońnia robicca ŭsio mahčymaje, kab pavialičyć mahutnaści vytvorčaści. Asnoŭnaj prablemaj da niadaŭniaha času byli pastaŭki vahonnaha lićcia. Nichto ŭ Biełarusi jaho nie vyrablaje, a ŭ Rasii i Ukrainie lićcia taksama nie chapaje, i zavod atrymlivaŭ hetuju pradukcyju pa reštkavym pryncypie.
Prablemu atrymałasia vyrašyć, zaklučyŭšy kantrakt na pastaŭku lićcia z kitajskimi partniorami. Dniami tavarystva atrymała pieršuju partyju — 96 vahonakamplektaŭ, a sa śniežnia płanujecca atrymlivać 286 kamplektaŭ štomiesiac.
U pierśpiektyvie prablemu lićcia płanujecca vyrašyć za košt budaŭnictva ŭ Mahilovie liciejnaha zavoda, jaki całkam zabiaśpiečyć lićciom Biełaruskuju čyhunku i mahiloŭskich vahonabudaŭnikoŭ.Vyznačanaja placoŭka ŭ SEZ «Mahiloŭ» i viadziecca pošuk inviestara. Jaho ŭvod u ekspłuatacyju pryznačany na 2013 hod.
SZAT «Mahiloŭski vahonabudaŭničy zavod» zarehistravanaje ŭ sakaviku 2005 hoda i raźmieščanaje na vytvorčych płoščach Mahiloŭskaha aŭtazavoda (MaAZ), jaki taksama ŭvachodzić u skład vytvorčaha abjadnańnia «BiełAZ». U statutnym fondzie vahonabudaŭničaha pradpryjemstva 99% akcyj naležyć BiełAZu. Ciapier tut pracuje bolš za 350 čałaviek.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary