Магілёўскі вагонабудаўнічы завод скасаваў кантракты з партнёрамі ў Расіі і Казахстане на пастаўку грузавых вагонаў, каб забяспечыць імі ўнутраны рынак.
Сёння Беларусь, як і краіны постсавецкай прасторы, адчувае востры дэфіцыт у грузавым рухомым складзе ў сувязі з усё большай колькасцю грузаперавозак, у тым ліку экспартных. Толькі Беларуская чыгунка мае патрэбу штогод абнаўляць 2 тыс. адзінак грузавых вагонаў, а паколькі магутнасці магілёўскіх вагонабудаўнікоў пакуль не дазваляюць забяспечваць унутраны попыт, даводзіцца траціць валюту і закупляць вагоны за мяжой. Таму ўрадам краіны і было прынятае рашэнне аб працы завода толькі на забяспечанне беларускага рынку. Да канца года Магілёўскі вагонабудаўнічы завод будзе працаваць толькі на беларускіх спажыўцоў — 500 вагонаў паставіць БЧ і 700
Паводле словаў дырэктара СЗАТ «Магілёўскі вагонабудаўнічы завод» Валерыя Осіпава, сёння робіцца ўсё магчымае, каб павялічыць магутнасці вытворчасці. Асноўнай праблемай да нядаўняга часу былі пастаўкі вагоннага ліцця. Ніхто ў Беларусі яго не вырабляе, а ў Расіі і Украіне ліцця таксама не хапае, і завод атрымліваў гэтую прадукцыю па рэшткавым прынцыпе.
Праблему атрымалася вырашыць, заключыўшы кантракт на пастаўку ліцця з кітайскімі партнёрамі. Днямі таварыства атрымала першую партыю — 96 вагонакамплектаў, а са снежня плануецца атрымліваць 286 камплектаў штомесяц.
У перспектыве праблему ліцця плануецца вырашыць за кошт будаўніцтва ў Магілёве ліцейнага завода, які цалкам забяспечыць ліццём Беларускую чыгунку і магілёўскіх вагонабудаўнікоў.Вызначаная пляцоўка ў СЭЗ «Магілёў» і вядзецца пошук інвестара. Яго ўвод у эксплуатацыю прызначаны на 2013 год.
СЗАТ «Магілёўскі вагонабудаўнічы завод» зарэгістраванае ў сакавіку 2005 года і размешчанае на вытворчых плошчах Магілёўскага аўтазавода (МаАЗ), які таксама ўваходзіць у склад вытворчага аб’яднання «БелАЗ». У статутным фондзе вагонабудаўнічага прадпрыемства 99% акцый належыць БелАЗу. Цяпер тут працуе больш за 350 чалавек.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары