«Łukašenka daŭ 500 tysiač, Łukašenka ich i zabraŭ»
Zatrymanym na sacyjalnym pikiecie ŭ Minsku dajuć štrafy ad 10 da 30 bazavych vieličyń.
3 kastryčnika ŭ Minsku na płoščy Svabody hrupa hramadzian, niazhodnych z prysudami ajčynnych sudoŭ pravodziła niesankcyjanavany pikiet. Jany trymali ŭ rukach płakaty «Čynoŭnikaŭ — da adkazu», «Administracyja prezidenta — nadziejny achoŭnik biezzakońnia ŭ krainie».
Pikietavańnie skončyłasia zatrymańniami. U RUUS Centralnaha rajona trapili dzieviać čałaviek, u tym liku juryst Tamara Siarhiej, jakaja akazvaje hramadzianam jurydyčnuju dapamohu.
Ciapier zatrymanyja znachodziacca ŭ sudzie Centralnaha rajona. Jak paviedamiła karespandentu «NN» Tamara Siarhiej. Na dadzieny momant niekalki čałaviek atrymali štrafy ad 10 da 15 bazavych vieličyń. «My śmiajomsia, što zabirajuć z nas tyja 500 tysiač, što Łukašenka nam daŭ. Ź dzieviaci čałaviek zatrymanych — šeść piensijanieraŭ» — raskazvaje spn. Tamara.
Siarod ich 73-hadovaja Lidzija Kandrašova — 10 bazavych vieličyń (350 tysiač rubloŭ).
«Heta byłaja nastaŭnica, cichaja, spakojnaja žančyna. Kali jaje zatrymlivali, to zakinuli ŭ aŭtobus za ruki za nohi», — kaža juryst.U milicyi Lidzii Kandraševič stała kiepska. Raniej jana pieraniesła insult. Joj vyklikali «chutkuju», akazali dapamohu, ale ad špitalizacyi žančyna admoviłasia, bo nie chacieła pakidać inšych zatrymanych.
Maksimalnuju sumu štrafu atrymała Tamara Siarhiej — 30 b.v. (1050000 rub.) Jana paviedamiła, što ŭdzielniki akcyi, jakich nie zatrymali, pieradali zvaroty ŭ Administracyju Łukašenki i Hienprakuraturu.
Ciapier čytajuć
Na mitynhu ŭ Vilni zatrymali pravakatara. A Cichanoŭski zajaviŭ pra namier dabivacca sustrečy ź Zialenskim7
Kamientary