«Лукашэнка даў 500 тысяч, Лукашэнка іх і забраў»
Затрыманым на сацыяльным пікеце ў Мінску даюць штрафы ад 10 да 30 базавых велічынь.
3 кастрычніка ў Мінску на плошчы Свабоды група грамадзян, нязгодных з прысудамі айчынных судоў праводзіла несанкцыянаваны пікет. Яны трымалі ў руках плакаты «Чыноўнікаў — да адказу», «Адміністрацыя прэзідэнта — надзейны ахоўнік беззаконня ў краіне».
Пікетаванне скончылася затрыманнямі. У РУУС Цэнтральнага раёна трапілі дзевяць чалавек, у тым ліку юрыст Тамара Сяргей, якая аказвае грамадзянам юрыдычную дапамогу.
Цяпер затрыманыя знаходзяцца ў судзе Цэнтральнага раёна. Як паведаміла карэспандэнту «НН» Тамара Сяргей. На дадзены момант некалькі чалавек атрымалі штрафы ад 10 да 15 базавых велічынь. «Мы смяёмся, што забіраюць з нас тыя 500 тысяч, што Лукашэнка нам даў. З дзевяці чалавек затрыманых — шэсць пенсіянераў» — расказвае спн. Тамара.
Сярод іх 73-гадовая Лідзія Кандрашова — 10 базавых велічынь (350 тысяч рублёў).
«Гэта былая настаўніца, ціхая, спакойная жанчына. Калі яе затрымлівалі, то закінулі ў аўтобус за рукі за ногі», — кажа юрыст.У міліцыі Лідзіі Кандрашэвіч стала кепска. Раней яна перанесла інсульт. Ёй выклікалі «хуткую», аказалі дапамогу, але ад шпіталізацыі жанчына адмовілася, бо не хацела пакідаць іншых затрыманых.
Максімальную суму штрафу атрымала Тамара Сяргей — 30 б.в. (1050000 руб.) Яна паведаміла, што ўдзельнікі акцыі, якіх не затрымалі, перадалі звароты ў Адміністрацыю Лукашэнкі і Генпракуратуру.
-
Стала вядома, па якім артыкуле асудзілі жыхара Светлагорска, затрыманага па вяртанні ў Беларусь
-
У Мінску ДАІ масава спыняе кіроўцаў каршэрынгу
-
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося4
Каментары