Kurs na samajedztva

Užo toje, što stvorany brend «Milinkievič – lider demakratyčnych siłaŭ», jaki nie vyklikaje piarečańnia ŭ bolšaści daśviedčanaj publiki ŭ Biełarusi i siarod pieršych asobaŭ suśvietnaj palityki – heta vialiki nabytak biełaruskaj demakratyi. Nastolki vialiki, što kab jaho źniščyć, spatrebicca šmat sił i času. Tamu ŭsie ciapier rychtujucca da vialikaj razburalnaj raboty, i na toje, kab dumać, a što ž budavać paśla na miescy źniščanaha brendu, prosta niama ani času, ani siłaŭ.

Pytańnie lidera demakratyčnych siłaŭ Biełarusi nie mahło nia ŭźniknuć na našych staronkach, bo apošnim časam stała hałoŭnym pytańniem u apazycyi. Z adnaho boku, jano byccam i naturalna: kali niama postupu ŭ dziejnaści, pačynaješ analizavać samoha siabie – moža ŭva mnie štoś nia tak? Ź inšaha boku, samaanaliz i samakapańnie mohuć zachapić ciabie, i budzie zdavacca, niby heta j jość tvaja hałoŭnaja dziejnaść.

Za byccam abstraktnym pytańniem liderstva i patasnymi zaklikami da Kanhresu demakratyčnych siłaŭ staić całkam kankretnaje žadańnie pazbavić Alaksandra Milinkieviča prava nazyvacca lideram demakratyčnych siłaŭ Biełarusi.

Usie ciapier rychtujucca da vialikaj razburalnaj raboty, i na toje, kab dumać, a što ž budavać paśla na miescy źniščanaha brendu, prosta niama ani času, ani siłaŭ.

Samakapańnie, kali jano robicca samametaj, niepaźbiežna vyradžajecca ŭ samajedztva. Hladzicie sami. Užo toje, što stvorany brend «Milinkievič – lider demakratyčnych siłaŭ», jaki nie vyklikaje piarečańnia ŭ bolšaści daśviedčanaj publiki ŭ Biełarusi i siarod pieršych asobaŭ suśvietnaj palityki – heta vialiki nabytak biełaruskaj demakratyi. Nastolki vialiki, što kab jaho źniščyć, spatrebicca šmat sił i času. Tamu ŭsie ciapier rychtujucca da vialikaj razburalnaj raboty, i na toje, kab dumać, a što ž budavać paśla na miescy źniščanaha brendu, prosta niama ani času, ani siłaŭ.

Jość i takija, chto miarkuje, što mocny brend Milinkieviča pierškadžaje stać mocnym brendu Kazulina. Adnak bolš praŭdapadobna vyhladaje nie adnojčy vykazvanaje mierkavańnie, što hetyja dva lidery dobra dapaŭniajuć adzin adnaho. I patencyjał hetaha tandemu tolki pakazaŭsia ŭ viesnavy tydzień 2006 hodu, ale nijak nie raskryŭsia.

Uličvajučy heta, dumaješ: a čamu b nie pryśviacić čarhovy demakratyčny Kanhres mienavita hetaj prablemie: jak raskryć patencyjał liderskaha tandemu? Jak zrabić tak, kab usie pracavali na hetaje raskryćcio? Toje, što Kazulin u turmie, a Milinkievič u Bruseli – całkam abjektyŭny vobraz isnavańnia biełaruskaj demakratyi siońnia. Ciažka ŭjavić, kab 25 sakavika 2006 hodu Kazulin zaklikaŭ razychodzicca, a Milinkievič pavioŭ na Akreścina; kab Kazulin pajechaŭ da Anhieły Merkiel, a Milinkievič – na Vićbu‑3. Dyj udzieł Kazulina ŭ vybarach, nasupierak zaklikam abjadnanaj apazycyi, užo siońnia, z histaryčnaj perspektyvy, vyhladaje jak «padkazka Boha». Nie karystacca takimi «padkazkami» – hublać ułasnyja šancy.

Kali zaŭtra našy demakraty zrujnujuć brend Milinkieviča i pryznačać novym lideram Anatola Labiedźku, dyk pieršy, chto stracić ad hetaha, budzie Kazulin, jaki zastaniecca niedzie ŭ staroj adkładzienaj partyi, tady jak hulcy ŭžo raspakavali novyja kałody.

Kali zaŭtra našy demakraty zrujnujuć brend Milinkieviča i pryznačać novym lideram Anatola Labiedźku, dyk pieršy, chto stracić ad hetaha, budzie Kazulin

Brend lidera – nia tolki metafizyčnaja kaštoŭnaść, nia tolki zdolnaści hipnatyziora i vobraz Danka z vyrvanym sercam. Heta i zusim prahmatyčny vektar ruchu. Jak u markietynhu, dzie brend musić zavajoŭvać usio novych spažyŭcoŭ i rynki, tak i ŭ palitycy – usio bolej ludziej daznajucca pra lidera demakratyčnaha ruchu. Vaha jaho musić raści, jak zołatavalutny zapas. U hetym sensie pajezdki Milinkieviča pa Biełarusi – słušnaja, choć i zanadta indyvidualnaja taktyka. Urešcie brend lidera demakratyčnych siłaŭ musić nabyć takuju vahu, što ŭ krytyčny momant z hetym budzie ličycca i ŭłada, jakoj by jana ni była.

Kali zaŭtra Łukašenku «pryciśnie» až nastolki, što spatrebicca šukać kansensus z demakratami ci z Zachadam praz demakrataŭ, dyk jakraz Milinkievič – toj lider, jaki moh by stać pradstaŭnikom demakratyčnych siłaŭ i pasiarednikam u pieramovach ź ES i Bušam. Ni z kim inšym Łukašenka havaryć pa svajoj voli nia stanie. Bo nichto inšy dla jaho nastolki ž nie prymalny i nie pradkazalny. U hetym sensie jakraz rost liderskaj vahi Milinkieviča spryjaŭ by nabližeńniu takoha dyjalohu, jaki siońnia vyhladaje davoli fantastyčna, ale jaki moh by stać karysnym dla postupu Biełarusi.

Abjadnanyja demakraty ŭžo mieli niekalki niaŭdałych sprobaŭ vyłučyć sabie lidera. I siońniašniaja «łava zapasnych» amal nie źmianiłasia. Pry tym jakraz zaprošany zboku Milinkievič, jak zrešty i Kazulin, jaki pryjšoŭ sam i taksama zboku, — stali najlepšym z usich mahčymych na siońnia ŭvasableńniem lidera. Ciapier što, viartacca da svajoj «zapasnoj łavy»?..

Zrazumieła, što Milinkievič – nia bronzavy biust, i ŭ ciapierašnim samajedztvie demakratyčnaha ruchu jość i jahony ŭniosak. Samaizalacyja jaho kamandy, admiežavańnie ad inšych i pastajannyja zajavy pra toje, što «my sami» stvorym niejki ruch, nijak nie spryjajuć zachavańniu vobraza ahulnaha važaka. Kali ty lider abjadnanych demakratyčnych siłaŭ, dyk u tvajoj kamandzie pavinna być miesca ŭsim, chto vyznaje demakratyčnyja kaštoŭnaści i hatovy na heta achviaravacca. A toje, što ty robiš, pavinna być adkrytym dla paplečnikaŭ. Viadoma, heta ciažej, čym zamknucca ŭ hurtku davieranych ludziej. Ale tut i paŭstaje vybar: lideram jakoha maštabu być?

Jość i jašče adna tema, jakaja, mahčyma, schilaje našych demakrataŭ da samakapańnia i samajedztva. Heta resursy. Ludzi, hrošy i ambicyi, jakija mohuć być skiravanyja ŭ toj abo inšy bok. Banalna, ale fakt, što resursy mohuć być pradmietam unutranaha zmahańnia demakrataŭ, a mohuć być supolna zrušanyja na ahulnuju spravu. Naprykład, na pamnažeńnie takich ahulnych nabytkaŭ, jakimi jość samo abjadnańnie i pryznanyja ŭ hramadztvie liderskija brendy

• 0
• 0
• 0
• 0
• 0
• 0
• 0
• 0