Naftapravod moža prajści pa maršrucie Unieča (Branskaja vobł.) — Vialikija Łuki (Pskoŭskaja vobł.) — Prymorsk (port u Leninhradzkaj vobł.). Mahčymaść stvaryć naftapravodny paŭkruh vakoł Homielskaj, Mahiloŭskaj i Viciebskaj vobłaści ŭsurjoz razhladajecca rasiejskim uradam.
Rasieja maje namier prakłaści novy maršrut transpartavańnia nafty ŭ Eŭropu mima Biełarusi. Kanflikt z Alaksandram Łukašenkam vymušaje Maskvu šukać alternatyŭnyja šlachi pastaŭki syraviny. U pryvatnaści, Transnafta prapanuje ŭradu pabudavać trubu ŭ abychod Biełarusi.
Zhodna z papiarednimi planami rasiejskaj trubapravodnaj manapolii, naftapravod moža prajści pa maršrucie Unieča — Vialikija Łuki — Prymorsk. Mahutnaść truby składzie 50 młn. tonaŭ za hod.
Vice-prezydent Transnafty Siarhiej Hryhorjeŭ zaŭvažaje, što pakul pra kankretny prajekt kazać zaŭčasna. «Byŭ prapanavany kompleks mierapryjemstvaŭ , nieabchodny dla taho, kab padobnaja sytuacyja nia skłałasia znoŭ. Dakumenty adpravili va ŭrad. Ciapier čakajem dazvołu».
Pavodle słovaŭ spadara Hryhorjeva, u prapanovie, adpraŭlenaj va ŭrad, nie było kankretnych prajektaŭ. «Jość plan mierapryjemstvaŭ, ale jakimi prajektami jon budzie ŭvasablacca, nieviadoma. Budziem havaryć paśla razhladu hetaha pytańnia».
Krynica «Interfaksu» ŭ ministerstvie pramysłovaści j enerhietyki Rasiei kaža, što «ciapier u viedamstvie razhladajecca pytańnie pra metazhodnaść realizacyi hetaha prajektu». Pradstaŭnik minpramenerha ćvierdzić, što novaja mahistral praciahłaściu kala 1 tysiačy kilametraŭ, u vypadku, kali jaje pabudujuć, likviduje tranzytnyja ryzyki dla pastavak nafty ŭ Niamieččynu i Polšču.
Aktualnaść trubapravodu ŭ abychod Biełarusi ŭzrasła dla rasiejcaŭ na tle kryzy ŭ stasunkach miž Maskvoj i Mienskam. Alternatyŭny maršrut transpartavańnia syraviny pastupiŭ u profilnyja viedamstvy Rasiei jašče da padpisańnia pahadnieńnia pamiž uradami Biełarusi j Rasiei pra ŭmovy pastavak nafty j ekspartu naftapraduktaŭ, vyrablenych na biełaruskich NPZ. Novaje abvastreńnie biełaruska-rasiejskich stasunkaŭ znoŭ robić prajekt Transnafty aktualnym.
Ale, pavodle słovaŭ analityka kampanii Advanced Research Michaiła Bakuleva, ciapier Transnafcie nie pa kišeni budaŭnictva jašče adnaho naftapravodu: «Samastojna kampanija nie adužaje jašče adzin prajekt, ciapier usie siły kinutyja na Ŭschodni naftapravod».
«Rasieja sprabuje damovicca ź Biełaruśsiu štohod, i štohod uźnikajuć składanaści, — kaža analityk MDM-Banku Andrej Hramadzin. — Kali ryzyki supracoŭnictva vyjaviacca vysokimi — budaŭnictva apraŭdanaje, kali nie, to j sensu ŭ im nia budzie».
-
Izrail vysyłaje «Lekaraŭ bieź miežaŭ» ź siektara Haza. Miedyki admovilisia davać imiony svaich ludziej u ruki siłavikoŭ, aścierhajučysia represij suprać piersanału
-
Abaranić Izrail i arabskich sajuźnikaŭ. ZŠA nie ŭdarać pa Iranie, pakul nie załatajuć dzirki ŭ SPA
-
Tramp vyrašyŭ pabudavać u Vašynhtonie hihanckuju tryumfalnuju arku, jakaja budzie bolšaj za paryžskuju
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary