Hienprakuratura: Spravu na Michałka nie zavodzili, pravodzim pravierku
Pravierka datyčyć «vykazvańniaŭ muzyki na adras biełaruskich uładaŭ».
Hienprakuratura abvierhła infarmacyju pra zaviadzieńnie na lidara hurtu «Lapis Trubiackoj» Siarhieja Michałka kryminalnaj spravy za žorstkija vykazvańni na adras Alaksandra Łukašenki.
U ciapierašni čas prakuraturaj Centralnaha rajona Minska pravodzicca pravierka pa fakcie vykazvańniaŭ muzyki ŭ adras biełaruskich uładaŭ. «Hetyja vykazvańni, vidavočna, znachodziacca pa-za ramkami nie tolki normaŭ etyki i marali, ale i prava», — cytuje BiełTA načalnika ŭpraŭleńnia pa nahladzie za vykanańniem zakanadaŭstva i zakonnaściu pravavych aktaŭ Hienprakuratury Paŭła Radzivonava.
Infarmacyja pra mahčymuju spravu suprać Michałka źjaviłasia 13 kastryčnika. Raniej lidar hurtu, jaki trapiŭ pad faktyčnuju zabaronu ŭ Biełarusi, daŭ niekalki intervju rasijskaj presie, u jakich žorstka raskrytykavaŭ Łukašenku.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary