Праверка датычыць «выказванняў музыкі на адрас беларускіх уладаў».
Генпракуратура абвергла інфармацыю пра завядзенне на лідара гурту «Ляпіс Трубяцкой» Сяргея Міхалка крымінальнай справы за жорсткія выказванні на адрас Аляксандра Лукашэнкі.
У цяперашні час пракуратурай Цэнтральнага раёна Мінска праводзіцца праверка па факце выказванняў музыкі ў адрас беларускіх уладаў. «Гэтыя выказванні, відавочна, знаходзяцца па-за рамкамі не толькі нормаў этыкі і маралі, але і права», — цытуе БелТА начальніка ўпраўлення па наглядзе за выкананнем заканадаўства і законнасцю прававых актаў Генпракуратуры Паўла Радзівонава.
Інфармацыя пра магчымую справу супраць Міхалка з’явілася 13 кастрычніка. Раней лідар гурту, які трапіў пад фактычную забарону ў Беларусі, даў некалькі інтэрв’ю расійскай прэсе, у якіх жорстка раскрытыкаваў Лукашэнку.
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары