I namiaknuŭ na prašeńnie ad pamiłavańni.
Alaksandr Łukašenka ličyć humannym prysud pravaabaroncu Alesiu Bialackamu, asudžanamu na 4,5 hady pazbaŭleńnia voli za niavypłatu padatkaŭ. Ab hetym jon zajaviŭ siońnia ŭ Ivacevickim rajonie, adkazvajučy na pytańni pradstaŭnikoŭ ŚMI.
«Dziakuj bohu, što nie ŭ Amierycy, — za takija hrošy moh by atrymać nie 4,5 (heta amal samaja nizkaja miaža), a 17 hadoŭ, i doŭha adtul b nie vylez», — prakamientavaŭ Łukašenka prysud, paviedamlaje BiełTA
Jon taksama adznačyŭ, što pa hetaj spravie da jaho nichto nie źviartaŭsia, i ŭ dadzienym vypadku nieabaviazkova, kab jon jaho razhladaŭ. «Budzie zvarot, ja jaho budu razhladać», — skazaŭ jon.
Alaksandr Łukašenka ličyć, što sud vielmi humanna pastupiŭ u dačynieńni da Alesia Bialackaha. «Jość zakon — šanuj jaho i nie budzie prablem. Parušyŭ zakon — adkazvaj». «Ja liču, što sud pastupiŭ u ramkach svajoj kampietencyi, pa zakonie», — dadaŭ Łukašenka.
* * *
Aleś Bialacki — vice-prezident Mižnarodnaj fiederacyi pravoŭ čałavieka, kiraŭnik zakrytaha ŭładami pravaabarončaha centra «Viasna» — 24 listapada byŭ pryhavorany da čatyroch z pałovaj hadoŭ pazbaŭleńnia voli ŭ kałonii ŭzmocnienaha režymu z kanfiskacyjaj majomaści.
Bialacki pryznany vinavatym na padstavie častki 2 artykuła 243 Kryminalnaha kodeksa (utojvańnie dachodaŭ u asabliva bujnym pamiery). Hrošy, što pieraličvalisia na rachunki Bialackaha, vykarystoŭvalisia dla akazańnia dapamohi achviaram palityčnych represij u Biełarusi.
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ79
Kamientary