Sud nad Alaksandram Krutym prachodzić u zakrytym režymie i bieź jaho ŭdziełu
Praces pa spravie Alaksandra Krutoha, jaki pačaŭsia 6 śniežnia ŭ sudzie Maskoŭskaha rajona Minska, prachodzić u zakrytym režymie i bieź jaho ŭdziełu.
Nahadajem, Alaksandr Kruty pradstaŭlaŭ na pačatkovym etapie suda pa spravie ab terakcie ŭ minskim mietro intaresy paciarpiełaj dački Iniesy, jakaja paciarpieła ad vybuchu. U sudzie Kruty pavodziŭ siabie vielmi aktyŭna, vystupaŭ z šeraham chadajnictvaŭ, u tym liku ab pieranosie pracesu da admieny ŭ Biełarusi śmiarotnaj kary. 20 vieraśnia Alaksandr Kruty byŭ zatrymany milicyjaj u Minsku pa abvinavačańni ŭ chulihanstvie. 22 vieraśnia staršynia suda pa spravie ab terakcie Alaksandr Fiedarcoŭ častkova začytaŭ pastanovu ab jaho zatrymańni. U joj skazana, što Kruty «17 žniŭnia, budučy ŭ kabiniecie adnoj ź miedycynskich ustanoŭ Minska, naŭmysna ŭčyniŭ chulihanskija dziejańni z asablivym cynizmam i źniavahaj normaŭ marali». Heta prajaviłasia ŭ tym, što jon vyliŭ źmieściva dvuch słoikaŭ — vadkaść z pacham mačy na hałoŭnaha ŭrača. Pa nakiravańni prakurora Kruty byŭ adpraŭleny ŭ RNPC psichičnaha zdaroŭja.
Padčas siońniašniaha suda rašeńnie ab vydaleńni z zały žurnalistaŭ, pravaabaroncaŭ i inšych asob sudździa Alaksandr Kostrykaŭ pryniaŭ na padstavie chadajnictva paciarpiełaj Valanciny Čupryk — hałoŭnaha ŭrača haradskoj palikliniki № 32. Jana paprasiła razhladać spravu na zakrytym pasiadžeńni, pakolki pytańnie tyčycca «naniasieńnia asabistych źniavahaŭ».
Suprać hetaha vystupiła tolki advakat Krutoha Natalla Mackievič. Padtrymali chadajnictva prakuror, jaki zajaviŭ, što Čupryk zajmaje kiraŭnickuju pasadu, i pryznačany dziaržavaj zakonny pradstaŭnik Krutoha juryskonsult
Sud razhladaje pytańnie ab prymianieńni da Krutoha prymusovych mier biaśpieki i lačeńnia.
Varta zaznačyć, što siamja Krutych choča atrymać prystanišča ŭ Hiermanii. Zajavu ŭ niamieckaje pasolstva ŭ Minsku Alaksandr Kruty adnios u vieraśni.
-
Eks-supracoŭnic Tut.by Łojku, Tałkačovu i Tkačenku, jakija vyjechali ź Biełarusi, vyrašyli sudzić zavočna
-
U Hrodnie dzicia dva miesiacy krała cacki z kramy. Jaho maci choča padać u sud na pradaŭcoŭ
-
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary