Kamisija zasnavanaj Sojmam Litvy Premii svabody vyrašyła ŭručyć jaje rasijskamu pravaabaroncu, dysidentu Siarhieju Kavalovu.
«Bolšaściu hałasoŭ, bolš za dźvie traciny, abrany Siarhiej Adamavič Kavaloŭ, rasijski dysident, zmahar za pravy čałavieka suprać savieckaha tatalitaryzmu, jaki ciapier aktyŭna praciahvaje svaju dziejnaść. Čałaviek viadomy jak u Litvie, tak i ŭ Rasii i va ŭsim śviecie. Ja sapraŭdy vielmi rady paviedamić hetuju navinu», — skazaŭ paśla pasiedžańnia kamisii jaje staršynia, siabra Sojmu Piatras Auštravičus.
Na hetuju premiju taksama pretendavali były staršynia Viarchoŭnaha Savieta Vitaŭtas Łandśbierhis, dysidenty mansiińjor Alfonsas Svarynskas i Vitaŭtas Andziulis.
Samu premiju pryznačyć Siejm da 23 śniežnia. Jaje pamier — 5 tys. jeŭra.
Meta premii — acanić dasiahnieńni asob i arhanizacyj i ŭkład u abaronu pravoŭ čałavieka, raźvićcio demakratyi, zaachvočvańnie miždziaržaŭnaha supracoŭnictva ŭ baraćbie za svabodu i suvierenitet narodaŭ Uschodniaj i Centralnaj Jeŭropy.
Premija pavinna być ŭručana ŭ Dzień abaroncaŭ svabody Litvy — 13 studzienia.
Raniej vykazvałasia dumka, što naminavany na premiju budzie biełaruski pravaabaronca Aleś Bialacki.
Kamientary