Pryniaćcie hetaha zakonaprajekta inicyjavaŭ staršynia Chielsinskaj kamisii Kanhresa ZŠA Krystafier Śmit. Jon ža źjaŭlajecca aŭtaram aktaŭ ab demakratyi ŭ Biełarusi 2004 i 2006 hadoŭ.
U pačatku lipienia Akt byŭ uchvaleny nižniaj pałataj amierykanskaha parłamienta — Pałataj pradstaŭnikoŭ.
Ciapierašni Akt ab demakratyi ŭnosić papraŭki ŭ anałahičny zakon ad 2004 hoda, asudžajučy apošnija parušeńni pravoŭ čałavieka ŭ krainie, u tym liku: aryšty kandydataŭ u prezidenty Biełarusi na vybarach 2010 hoda i inšych pradstaŭnikoŭ apazicyi; fakty falsifikacyj padčas vybačaj kampanii; cisk na niezaležnyja ŚMI, nacyjanalnyja i relihijnyja mienšaści.
Kanhres ZŠA patrabuje terminovaha i biezumoŭnaha vyzvaleńnia ŭsich palitźniavolenych u Biełarusi, a taksama padtrymlivaje žadańnie biełaruskaha naroda žyć va ŭmovach demakratyi i zachavańnia suvierenitetu svajoj krainy.
Amierykanski parłamient zajaŭlaje ab niepryznańni vynikaŭ prezidenckich vybaraŭ 2010 hoda i padtrymlivaje zakliki ab praviadzieńni novych vybaraŭ zhodna sa standartami ABSIE.
Pry hetym Kanhres vykazvaje padtrymku demakratyčnym rucham i arhanizacyjam Biełarusi.
Akt ab demakratyi padtrymlivaje sankcyi, uviedzienyja suprać biełaruskich uład, i zaklikaje Mižnarodnuju fiederacyju chakieja zamarozić płany pa praviadzieńni ŭ Minsku čempijanatu śvietu pa chakiei 2014 hoda da poŭnaha vyzvaleńnia ŭsich palitźniavolenych.
Kanhres zaklikaje ŭrad ZSŠA pradoŭžyć padtrymku niezaležnaha radyjo-, tele- i
Dla nabyćcia siły zakona «Akt ab demakratyi i pravach čałavieka ŭ Biełarusi» pavinien być zaviziravany prezidentam ZŠA.
Kamientary