Прыняцце гэтага законапраекта ініцыяваў старшыня Хельсінскай камісіі Кангрэса ЗША Крыстафер Сміт. Ён жа з’яўляецца аўтарам актаў аб дэмакратыі ў Беларусі 2004 і 2006 гадоў.
У пачатку ліпеня Акт быў ухвалены ніжняй палатай амерыканскага парламента — Палатай прадстаўнікоў.
Цяперашні Акт аб дэмакратыі ўносіць папраўкі ў аналагічны закон ад 2004 года, асуджаючы апошнія парушэнні правоў чалавека ў краіне, у тым ліку: арышты кандыдатаў у прэзідэнты Беларусі на выбарах 2010 года і іншых прадстаўнікоў апазіцыі; факты фальсіфікацый падчас выбачай кампаніі; ціск на незалежныя СМІ, нацыянальныя і рэлігійныя меншасці.
Кангрэс ЗША патрабуе тэрміновага і безумоўнага вызвалення ўсіх палітзняволеных у Беларусі, а таксама падтрымлівае жаданне беларускага народа жыць ва ўмовах дэмакратыі і захавання суверэнітэту сваёй краіны.
Амерыканскі парламент заяўляе аб непрызнанні вынікаў прэзідэнцкіх выбараў 2010 года і падтрымлівае заклікі аб правядзенні новых выбараў згодна са стандартамі АБСЕ.
Пры гэтым Кангрэс выказвае падтрымку дэмакратычным рухам і арганізацыям Беларусі.
Акт аб дэмакратыі падтрымлівае санкцыі, уведзеныя супраць беларускіх улад, і заклікае Міжнародную федэрацыю хакея замарозіць планы па правядзенні ў Мінску чэмпіянату свету па хакеі 2014 года да поўнага вызвалення ўсіх палітзняволеных.
Кангрэс заклікае ўрад ЗСША прадоўжыць падтрымку незалежнага радыё-, тэле- і
Для набыцця сілы закона «Акт аб дэмакратыі і правах чалавека ў Беларусі» павінен быць завізіраваны прэзідэнтам ЗША.
Цяпер чытаюць
Міністр сувязі: Абмежаванні мабільнага інтэрнэту закрануць 1,7 мільёна беларусаў15
Каментары