A termin praviadzieńnia papiaredniaha śledstva moža być padoŭžany.
Pra heta NN paviedamiŭ śledčy Miadzielskaj prakuratury Ivan Małafiej. Pa jaho słovach, pryznačany šmatlikija ekśpiertyzy, što vymahaje šmat času. Adviedzienych pa zakonie dvuch miesiacaŭ moža być niedastatkova.
Śledčy nie paviedamiŭ, ci davali zatrymanyja pa spravie pryznalnyja pakazańni. Spasałaŭsia na tajamnicu śledstva. Ale skazaŭ, što na ich vopratcy (nie ŭdakładniŭ, adnaho ci abodvuch) była znojdzieny kroŭ, što i stała padstavaj dla nadańnia im statusu padazravanych.
25-hadovuju dziaŭčynu zarezali ŭnoč z 8 na 9 śniežnia ŭ v. Budsłaŭ Miadzielskaha rajona. Pa padazreńni ŭ ździajśnieńni złačynstva zatrymanaja miascovaja siamiejnaja para. Kryminalnaja sprava zaviedzienaja pa artykule 139, č.2, p.6 KK (zabojstva, ździejśnienaje z asablivaj žorstkaściu). Karajecca ad vaśmi hadoŭ pazbaŭleńnia svabody da śmiarotnaha pakarańnia.
Chalezin: Nieŭźlin finansuje Chartyju'97 jašče z prezidenckich vybaraŭ 2010 hoda30
Kamientary