A Luboŭ Kavalova nie moža dabicca ad KDB viartańnia davieranaści.
Maci Uładzisłava Kavalova, asudžanaha da śmiarotnaj kary za saŭdzieł u teraryźmie, amal miesiac nie moža dabicca ad KDB viartańnia joj davieranaści syna, kab ad jaho imia jana mahła źviartacca ŭ pravaabarončyja i inšyja mižnarodnyja arhanizacyi.
Jak skazała Luboŭ Kavalova, u adkazach na jaje skarhi i zajavy ŭ KDB, Hienieralnuju prakuraturu i Viarchoŭny sud Biełarusi niama ni słova pra hetu davieranaść. Dakumient byŭ składzieny Uładzisłavam i jaho advakatam Stanisłavam Abraziejem, padpisany asudžanym i nakiravany na podpis načalniku SIZA KDB, dzie ciapier utrymlivajucca Kavaloŭ i abvinavačany ŭ teraryźmie — vybuchu ŭ minskim mietro 11 krasavika 2011 hoda — Dźmitryj Kanavałaŭ. Paśla hetaha los davieranaści nieviadomy.
Skarhu načalniku SIZA KDB na źniknieńnie dakumienta Luboŭ Kavalova pieradała jašče 7 śniežnia.
Maci Uładzisłava Kavalova taksama paviedamiła, što 28 śniežnia jana atrymała treci paśla abviaščeńnia 30 listapada pryhavoru list ad syna. Na tekście lista ŭpieršyniu, jak zaŭvažyła Kavalova, staić štamp «Pravierana».
Jon piša, što «samaadčuvańnie vydatnaje», jaho vielmi padtrymała sustreča z abaroncam, jamu viadoma, što pieradačy dazvalajucca adzin raz u try miesiacy.«List — aptymistyčny», — skazała Luboŭ Kavalova. Miarkujučy pa listach, u syna jość mahčymaść rabić zakupy ŭ kramie SIZA, dzie, akramia srodkaŭ asabistaj hihijeny, jość peŭny nabor praduktaŭ, u tym liku słodyčy. Tamu ciapier maci vysyłaje Uładzisłavu hrošy.
28 śniežnia Luboŭ Kavalova, jakaja ciapier znachodzicca ŭ Viciebsku, biezvynikova sprabavała źviazacca pa telefonie z Hienieralnaj prakuraturaj, kab zapisacca na asabisty pryjom da hienprakurora Alaksandra Kaniuka. Takija sustrečy z hramadzianami pravodziacca adzin raz u miesiac. Kali dazvanicca tak i nie ŭdasca, jana źbirajecca pryjechać u Minsk, kab asabista zapisacca na pryjom.
Luboŭ Kavalova taksama paviedamiła, što aznajamleńnie jaje syna i jaho abaroncy z pratakołami sudovych pasiadžeńniaŭ pačniecca 4 studzienia.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary