U modu ŭvachodziać štučnyja dzieci - dyskusijnaja tema
Ź lalkami niemaŭlataŭ, jakija vonkava vyhladajuć amal jak žyvyja, žančyny hulajuć na vulicy i ŭkładvajuć ich spać viečarami. Moda dakaciłasia i da Biełarusi.
— Heta my z Arsiušam na špacyry ŭ parku, hladzicie, jak užo tupać umiejem! — piša ŭ svaim ŽŽ maskvička Śviatłana. Hladžu na fatahrafii. Na pieršy pohlad, usio dobra: ščaślivaja mama, jakoj prykmietna za sorak, poŭnieńki chłopčyk u pryhožaj kurtačcy, pobač vavioračka skača pa ziamli. Sucelnaje zamiłavańnie i zachapleńnie!
Ale ŭ kamientarach naściarožvaje pytańnie: «Vy što, nienarmalnaja? Jak možna lalku na vulicu vadzić?».Hety skaz haspadynia ŽŽ chucieńka vydaliła. A mnie spatrebiłasia chvilin dziesiać, kab, uvažliva razhledzieŭšy ŭsie fatahrafii, pavieryć — niemaŭla niesapraŭdnaje.
Heta reborn (z anhł. — «Nanova narodžany») — viniłavaja lalka, jakaja aktyŭna ŭvachodzić u modu ŭ biaździetnych žančyn u Rasii i, zdajecca, užo i ŭ Biełarusi.
Atrymać dla siabie takoje niemaŭla nieskładana. U lubym
A jana sapraŭdy da žyvoha niemaŭlaci budzie padobnaja? — pytajusia pa telefonie ŭ maskoŭskaha majstra.
— Zrazumieła! Ja i vianki pramaloŭvaju, i paślarodavyja siniački i prypuchłaści nievialikija… Vialikaje dzicia chočacie?
— 4310! — Aŭtamatyčna ja nazyvaju vahu svajho syna pry naradžeńni.
— Vialiki chłopčyk! Jak dobra, što vy tak detalova jaho ŭjaŭlajecie, — šepča mnie pradaviec. — A ja pačynaju adčuvać siabie varjatkaj. —
Vy jamu i vałosiki rasčesvać zmožacie, i pazhohciki ŭ jaho buduć, składački usio na nožkach…U kamplekcie soska mahnitnaja, naborčyk adzieńnia. Potym vy zmožacie na zakaz inšy varyjant, letni kupić. Abo zvyčajnuju dziciačuju vopratku na jaho kuplać.
— Heta značyć, zdalok jon budzie zusim jak žyvy? Na vulicy nichto nie adroźnić?
— Na vulicy — dakładna nie! — dała mnie harantyju pradaviec. — Kali jon budzie siadzieć u kalascy, to ź mietraŭ
Dzicia mnie paabiacali da lipienia. Choć zvyčajna robicca jon za tydni
Jašče mnie patłumačyli, što kali ŭ «dziciaci» złamajecca ručka abo nožka, to možna prykupić novuju:prykładna dalaraŭ za 15.
«Mamy», jakija dobra ŭvajšli ŭ rolu, zakazvajuć kožnyja try miesiacy novaje dzicia (na kh 2 bolšaje za papiaredniaha i santymietraŭ na 10 vyšejšaje. Nu raście ž dzicia!).
Słuchaŭku ja pakłała ŭ lohkim zamiašańni. Nu nie mahu ja ŭjavić psichična zdarovuju darosłuju žančynu, jakaja kuplaje kałysku, kab pasadzić u jaje štučnaje dzicia, i chadzić ź im pa vulicach!
Ja sumlenna pasprabavała daviedacca ŭ takich «matul», narmalna ci jany siabie adčuvajuć z nabytym dziciem na rukach. Ale na znosiny takija maci iduć nieachvotna.
«Mnie prosta chaciełasia daviedacca, što adčuvaješ, kali špacyruješ z małym. Mužčyny realna pavaročvali hałovy!My z pupsam byli samyja pryhožyja! Prytym maja maleča tolki zahadkava ŭśmichałasia z kalaski! Heta plus vialiki», — piša na forumie takaja voś «mama». Jašče adna mnie adkazała:
«Vam nie zrazumieć, kali ŭ vas jość dzicia. Ja prosta chacieła adčuć siabie maci!»
Ja pahadziłasia, mnie dakładna nie zrazumieć takoha voś zručnaha maciarynstva:
zachacieła — u kalascy prahulała, zachacieła — u šafu pakłała i na pracu pajšła…
— Zrazumieła, heta nie lalka dla dziciačaha sadu! Našy pakupniki — žančyny hadoŭ 35 — 45. Mnohim takich dzietak dorać siabroŭki. Žančynam cikava adčuć, jak heta — važdacca z małym, kupać jaho, prybirać…
U niekatorych pakupnic jość i svaje dzieci. Ale darosłyja — hadoŭ pa 15–20. U cełym, z kožnym miesiacam zakazaŭ usio bolš,— raspaviali mnie ŭ jašče adnoj rasijskaj
* * *
Kamientary psichołaha
«Chočacie być ščaślivyja sa svaim dziciem? Nie kuplajcie štučnaha!»
— Z adnaho boku — takija lalki dobryja tym, što dorać žančynam pazityŭnyja emocyi, — kaža Ludmiła Hubskaja, kansultant pa hrudnym hadavańni i pierynatalny psichołah. — Ale ź inšaha — vielmi strašna, što žančyna nie atrymlivaje zvarotnaj reakcyi.
U viniłavaha dziciaci niama ŭłasnych emocyj, jon nie moža pakazać, što jamu drenna, balić žyvocik, što jon choča spać abo na ručki. Usio heta za jaho vyrašaje «mama».Pryčym vyrašaje tak, jak joj zručna. I paśla, prajšoŭšy taki dośvied znosin sa štučnym dziciem, žančynie moža być vielmi składana sa svaim, rodnym.
Bo svoj budzie niazručnym, šumnym, budzie pračynacca ŭnačy, patrabavać uvahi, peckać pryhožyja koftački.Adna mama dvuchmiesiačnaj dziaŭčynki skazała mnie:
«Vy nie ŭjaŭlajecie, jak dačka svaimi pavodzinami pieraškadžaje mnie atrymlivać asałodu ad maciarynstva!»U žančyny było vyrazna sfarmavanaje skažonaje ŭjaŭleńnie, jak pavinna siabie pavodzić niemaŭla. I da realnaści jana była nie hatovaja. Toje ž samaje moža być z haspadyniami viniłavych niemaŭlataŭ.
Reborny — dobry padarunak dla dziaŭčynak padletkavaha ŭzrostu.U ich heta moža dapamahčy farmiravańniu navykaŭ znosin ź dziciem. Padydzie takaja lalka i žančynie, jakaja dakładna vyrašyła nie naradžać.
Ale kali vy płanujecie ŭ budučyni stać sapraŭdnaj mamaj, to nie varta zavodzić sabie viniłavych dziaciej.
Lepš užo kłapacicca ab chatnich hadavancach — jany chacia b vychoŭvajuć pačućcio adkaznaści i ŭmieńnie pierabudoŭvać svajo žyćcio, uličvajučy patreby inšaha.
Ciapier čytajuć
Statkievič apublikavaŭ foty ich novaha z Marynaj Adamovič doma3
Statkievič apublikavaŭ foty ich novaha z Marynaj Adamovič doma
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1010
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»10
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary