Małodšamu z hrupy niadaŭna spoŭniłasia 16, starejšamu — 17.
U Voranaŭskim rajonie milicyja zatrymała troch školnikaŭ adnoj ź miascovych škoł, paviedamlaje pres-słužba UUS Hrodzienskaha abłvykankama. Małodšamu z hrupy niadaŭna spoŭniłasia 16, starejšamu — 17. Ich padazrajuć u kradziažy aŭto. Usie troje mieli staryja savieckija lehkaviki, ale maryli jeździć na niamieckich. Pakolki ŭ baćkoŭ adnaho ź ich była Audi-80 i chłopiec byŭ dobra znajomy z hetym aŭto, vyrašyli zasiarodzić uvahu mienavita na hetaj madeli.
Pa infarmacyi milicyi, maładyja ludzi dziejničali pa adnoj schiemie: vykradali aŭto, katalisia na im, potym zabirali ź lehkavika ŭsio, što traplała pad ruku i kidali lehkavik, dzie zamaniecca.
Skončyłasia ŭsio tym, što ŭčastkovy Voranaŭskaha rajadździeła milicyi atrymaŭ telefanavańnie ad pamiežnikaŭ, jakija zaŭvažyli kala lesu padazrony aŭtamabil. Milicyjant vyjechaŭ na miesca, vyjaviŭ u mašynie niaspraŭnaść, paśla čaho viarnuŭsia ŭ rajadździeł, kab vyśvietlić asobu ŭłaśnika. Kali viarnuŭsia da lehkavika, to jaho ŭžo adbuksiravali.
Učastkovamu spatrebiłasia niekalki hadzin, kab vyjavić padazravanych. Usie troje na dadzieny momant znachodziacca pad vartaj.
Kamientary