Adzin z hałoŭnych biełaruskich mašynabudaŭnikoŭ AAT «Amkador» płanuje vytvorčaść śpiecyjalnych mašyn, aryjentujučy chołdynh na ekspart.U suviazi z hetym raspracoŭvajecca prajekt budaŭnictva liciejnaha zavoda na placoŭcy ŭ Žodzinie.
AAT «Amkador» atrymała kredyt ad Jeŭrazijskaha banka raźvićcia. 75 młn dalaraŭ ź jaho pojduć na vytvorčaść śpiecyjalnych mašyn. Dla vypusku pradpryjemstvu nieabchodna lićcio suśvietnaha ŭzroŭniu. U biełaruskaha — vialiki adsotak braku, pryznali ŭ kiraŭnictvie kampanii. Tamu «Amkador» prapracoŭvaje finansavańnie budaŭnictva ŭłasnaha liciejnaha zavoda na placoŭcy ŭ Žodzinie.
Zavod płanujecca zapuścić na praciahu troch hadoŭ. Pradpryjemstva budzie vypuskać try vyhladu tavarnaha čyhunu i vyraby z aluminiju. Takim čynam AAT «Amkador» raźličvaje źnizić sabiekošt pradukcyi i ŭ razy palepšyć jakaść.
Staršynia rady dyrektaraŭ AAT «Amkador» Alaksandr Šakucin paviedamiŭ, što kampanija maje pavialičyć abjom vytvorčaści bolš čym u 3 razy. Budzie pabudavana abo vykuplena bolš za 400 tysiač kvadratnych mietraŭ.
Raniej u 2011 hodzie «Amkador» užo nabyŭ 3 zavody, ale, pa słovach A. Šakucina, pradpryjemstvu nie chapaje najaŭnych vytvorčych płoščaŭ. Vytvorčyja placoŭki «Amkadora» raźmiaščajucca pa ŭsioj Biełarusi, a taksama ŭ Rasii (Bransk).
Z pazicyi ekałohii i achovy pracy liciejnaja vytvorčaść — adna z samych niebiaśpiečnych.Adchody liciejnaj vytvorčaści, vykidy ŭ atmaśfieru zhubna ŭpłyvajuć na ekałahičnuju raŭnavahu. Technałahičnyja pracesy vyrabu adlivak charaktaryzujucca vialikaj kolkaściu apieracyj, padčas vykanańnia jakich vydzialajucca pył, aerazoli i hazy. U pavietranym asiarodździ liciejnych cechaŭ, akramia pyłu, u vialikich kolkaściach źmiaščajucca aksidy vuhlarodu, vuhlakisły i siarnisty hazy, azot, vadarod, aerazoli, nasyčanyja aksidami žaleza i marhancu, pary vuhlevadarodaŭ i inš. Krynicami zabrudžańnia źjaŭlajucca płavilnyja ahrehaty, piečy termičnaj apracoŭki, sušyłki dla formaŭ, stryžniaŭ i kaŭšoŭ i da t.p.
Kamientary