Jamu zakidajecca «arhanizacyja i padrychtoŭka hrupavych dziejańniaŭ, što hruba parušajuć hramadzki paradak».
Zatrymali Dzianisava 16 lutaha. Jamu zakidajecca «arhanizacyja i padrychtoŭka hrupavych dziejańniaŭ, što hruba parušajuć hramadzki paradak» (art. 342 č.1 KK). Chłopca ŭtrymlivajuć u SIZA № 3 Homiela. Tam paćviardžajuć fakt utrymańnia pad vartaj Dzianisava, ale pry hetym admaŭlajucca ŭziać pieradaču dla jaho. Pavodle vidavočcaŭ, u momant zatrymańnia chłopiec byŭ lohka apranuty.
U SIZA kažuć, što Dzianisaŭ chutka budzie pieraviezieny ŭ inšaje miesca ŭtrymańnia, ale kudy kankretna stanie viadoma ŭ dzień adpraŭki.
Minułym letam suprać Dzianisa Dzianisava, a taksama Taciany Jełavoj była raspačataja kryminalnaja sprava pa fakcie vyviešvańnia ŭ Viciebsku bieł‑čyrvona‑biełych ściahoŭ.
Małady čałaviek uletku naležaŭ da ŭdzielnikaŭ niezarehistranaj arhanizacyi «Bunt», što zładziła ŭletku šerah akcyjaŭ u Viciebsku, Horadni i Miensku.
***
Kiraŭnik abłasnoj arhanizacyi AHP Vasil Palakoŭ paviedamiŭ, što na dadzieny momant nia maje peŭnaj infarmacyi pra miescaznachodžańnie Dzianisa Dzianisava. Pavodle jahonych słovaŭ, u SIZA‑3 kažuć, što Dzianisava chutka pieraviazuć u Viciebsk. Nibyta pravaparušeńnie, u jakim jaho vinavaciać, było ździejśnienaje pa miescy žycharstva i adtul pryjšło ŭkazańnie zatrymać Dzianisava.
Pavodle art. 342‑1 Dzianisu pahražaje štraf, aryšt terminam da 6 miesiacaŭ, albo abmiežavańnie voli da 3 hadoŭ, albo pazbaŭleńnie voli na toj ža termin.
Pavodle pravaabaroncy Valancina Stefanoviča, u Dzianisava mała šancaŭ vyjści na volu pad padpisku ab niavyjeździe praz try dni paśla zatrymańnia. «Hety artykuł praduhledžvaje vialiki dosyć suvoraje pakarańnie, tamu raźličvać na vyzvaleńnie pad padpisku ciažkavata» – zaznačyŭ sp. Stefanovič.
Fota Julii Daraškievič
-
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna
-
Ministr Markaŭ zajaviŭ, što treba zmahacca z tymi, chto kaža pra ŭščamleńnie ruskaj ci biełaruskaj movy
-
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary