«Ja absalutna ŭpeŭniena, što nijakaha bajkotu parłamienckich vybaraŭ u Biełarusi nie budzie», — zajaviła BiełaPAN staršynia Centralnaj kamisii pa vybarach i praviadzieńni respublikanskich refierendumaŭ Lidzija Jarmošyna.
«Asnovaj isnavańnia ŭsich palityčnych sił, jakija ŭ nas nazyvajucca apazicyjnymi, źjaŭlajucca tyja zamiežnyja inviestycyi, jakija jany atrymlivajuć pa prahramie raźvićcia demakratyi. Kali jany nie buduć udzielničać u vybarach i pravodzić niejkija palityčnyja akcyi, hetyja srodki (a heta ich zarabotnaja płata) im nie buduć vydzialacca.
Tamu, ja dumaju, usie hetyja zajavy źjaŭlajucca sprobami zapałochać uładu, pryčym vielmi niepierakanaŭčymi»,— skazała jana.
Jarmošyna adznačyła, što pahrozy bajkotu vybaraŭ hučać napiaredadni kožnaj vybarčaj kampanii. «Jak praviła, zakliki da jaho zychodziać ad sił, jakija pazicyjanujuć siabie apazicyjnymi. Tolki adnojčy ŭ 2000 hodzie na parłamienckich vybarach realna ažyćciaŭlaŭsia bajkot z boku niekatorych apazicyjnych partyj. Za minułyja 11 hadoŭ, niahledziačy na zajavy, nichto dziejańniaŭ pa bajkocie nie ažyćciaŭlaŭ», — adznačyła jana.
Kiraŭnik CVK ličyć, što nasielnictva najpierš zacikaŭlena nie ŭ palityčnaj raznastajnaści, a va ŭstojlivym
