U Baranavičach i Pinsku zabaranili praviadzieńnie pikietaŭ suprać źbiadnieńnia nasielnictva
Pa adnoj takoj akcyi z kolkaściu ŭdzielnikaŭ da 30 čałaviek płanavałasia pravieści ŭ hetych haradach 28 studzienia z 12.00 da 13.00. Zajaŭki na pikiety padavali miascovyja aktyvisty Biełaruskaj partyi levych «Spraviadlivy śviet».Meta akcyj — vykazać pratest suprać rezkaha źnižeńnia ŭzroŭniu žyćcia ludziej, pavyšeńnia cen na tavary i pasłuhi.
Jak paviedamiŭ zajaŭnik pikietu ŭ Pinsku Michaił Ramancaŭ, ułady zabaranili akcyju na toj padstavie, što jana namiačałasia nie na vyznačanym dla takich mierapryjemstvaŭ miescy.
«My mieli namier pravieści pikiet kala ŭvachodu na haradski rynak, što znachodzicca na vulicy Leninhradskaj. Tam šmat ludziej, asabliva ŭ vychadnyja dni. Padavać zajaŭku zimoj na stadyjon abo letniuju estradnuju placoŭku ŭ haradskim parku, jakija ŭ našym horadzie ŭłada vyznačyła dla masavych mierapryjemstvaŭ, biessensoŭna», — dadaŭ Ramancaŭ.
Pavodle słoŭ adnaho z zajaŭnikaŭ pikieta ŭ Baranavičach Viktara Ciapina, jany płanavali akcyju ŭ starym parku kultury i adpačynku na vulicy Kamsamolskaj. Heta placoŭka vydzielena Baranavickim harvykankamam dla masavych mierapryjemstvaŭ.
«Z adkazu, jaki ja atrymaŭ, vynikaje: pikiet zabaronieny, tamu što zajaŭka na jaho nie adpaviadaje patrabavańniam artykułaŭ 5 i 6 zakona „Ab masavych mierapryjemstvach“. I bolš ničoha. Ja liču, čynoŭniki šukajuć lubyja pryčyny, kab zabaranić niaŭhodnuju im akcyju. Abskardzić hetyja zabarony, jak pakazvaje praktyka, — daremna», — zajaviŭ Ciapin.
Dapoŭnim, što zajaŭku na pikiet na 28 studzienia suprać źbiadnieńnia nasielnictva padavali bresckija aktyvisty partyi «Spraviadlivy śviet». Brescki harvykankam dazvoliŭ akcyju pry ŭmovie, što jaje zajaŭnik da 26 studzienia padaduć dahavory z orhanami ŭnutranych spraŭ, ustanovaj achovy zdaroŭja i kamunalnym pradpryjemstvam.
«My byli vymušanyja admovicca ad pikietavańnia, tamu što ŭ nas niama srodkaŭ dla apłaty ich pasłuh, — paviedamiła BiełaPAN staršynia bresckaj haradskoj partyjnaj struktury Ludmiła Dzienisienka. — My majem namier praz sud damahčysia admieny apłaty arhanizatarami masavych mierapryjemstvaŭ raschodaŭ, źviazanych z praviadzieńniem masavych mierapryjemstvaŭ. Usie dziaržsłužby, ź jakimi pavinny zaklučacca takija dahavory, utrymlivajucca za košt padatkapłacielščykaŭ, jakimi my taksama źjaŭlajemsia».
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m99
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1414
Kamientary