U pierapynkach miž žyvym eteram z Alimpijady BT kruciła staryja čorna-biełyja chroniki pra biełaruski sport za časami SSSR. Uražvaje toje, što tady ŭsio ahučvałasia pa-biełarusku. Pryniata kazać pra zacisk biełaruskaj movy savieckimi ŭładami, adnak tyja kadry stvarajuć lepšaje ŭražańnie pra kamunistaŭ. Dy jašče na majoj pamiaci sustrečy BSSRaŭskich kamandaŭ i spabornictvy kamentavalisia pa-biełarusku. Zrešty, i telebačańnie, pamiatajecca, było biełaruskim…
U pierapynkach miž žyvym eteram z Alimpijady BT kruciła staryja čorna-biełyja chroniki pra biełaruski sport za časami SSSR. Uražvaje toje, što tady ŭsio ahučvałasia pa-biełarusku. Pryniata kazać pra zacisk biełaruskaj movy savieckimi ŭładami, adnak tyja kadry stvarajuć lepšaje ŭražańnie pra kamunistaŭ. Dy jašče na majoj pamiaci sustrečy BSSRaŭskich kamandaŭ i spabornictvy kamentavalisia pa-biełarusku. Zrešty, i telebačańnie, pamiatajecca, było biełaruskim…
Vychodzić, što za savieckimi časami ŭłady, pryhniatajučy movu na miescach, ŭsio ž taki niejak namahalisia adznačyć nacyjanalnuju admietnaść biełarusaŭ u svajoj prapahandzie. Ciapieraka, u niezaležnaj krainie, čamuści vyrašana hetuju admietnaść nie vystaŭlać na ludzi. Apošnim časam našyja spartovyja dasiahnieńni pryniata apisvać i kamentavać vyklučna pa-rasiejsku. Biełaruskuju movu ciapier zredčas možna pačuć, kali pakazvajuć futbolnyja hulni Lihi čempijonaŭ. Eŭrapiejskaja mova na eŭrapiejskim futbole.
Našaja mova vyciskałasia z kamentatarskaj kabinki pacichu-patrochu. Kamentatar pačynaŭ pa-biełarusku. Na druhi tajm zaprašaŭsia jaki trener ci hulec, i hamonka pačynałasia pa-rasiejsku. Chakiejny treci peryjad navat pa sychodzie surazmoŭcy ahučvaŭsia na druhoj kanstytucyjnaj movie — nibyta zabyŭšysia.
Lohkaje ŭzrušeńnie siarod kamentataraŭ adbyłosia na suśvietnym čempijanacie, kali niamieckaja telekampanija pradała pravy na retranślacyju z umovaju ahučki pa-biełarusku. Ale vyśvietliłasia, što moładź movy nia viedaje, a starym karcić havaryć pa-rasiejsku.
Paśla čempijanatu rusifikacyja kamentataraŭ praciahnułasia. Ale šmathadovaje praktykavańnie baćkoŭskaj movy pa-zdradnicku prajaŭlajecca. Jašče i ciapieraka Navicki ŭstaŭlaje pa zvyčcy jakoje biełaruskaje słoŭca, nie paśpiavajučy padabrać rasiejski analah: «Trapny udar, kak hovoriat u nas v Biełoruśsii». Adnak razam z movaju pacichu pakidajuć našych spartoŭcaŭ i pieramohi.
A što pakinie naščadkam naš čas? Chroniki zavajovaŭ šmatlikich uznaharodaŭ, chvałaśpievy pra vysokaje miesca sportu ŭ žyćci narodu i ŭłady? Tolki ci zrazumiejuć naščadki? Navat u prostym sensie.
Ciapier čytajuć
«Čakajem u Minsku +1 słavutaść!» Błohieraŭ pryvieźli ŭ byłuju turmu na Vaładarskaha20
Kamientary