Žonka Sańnikava nazvała Lichavida i Usa «ŭšlopkami».
Pačałasia palemika paśla taho, jak były palitviazień Mikita Lichavid daŭ svaju acenku ŭčynku Andreja Sańnikava, jaki padpisaŭ prašeńnie ab pamiłavańni na imia Łukašenki. Lichavid adznačyŭ:
«Ja liču, što hetaha nie treba było rabić, treba było pakutavaćpa-česnamu . Biez sumnievu, heta vielmi mocna padarvie jaho palityčnyja pazicyi. Heta toje, čaho i damahaŭsia Łukašenka: źniščyć jaho jak palityka. U pryncypie, jon [Łukašenka] atrymaŭ toje, što chacieŭ».
Hetaje vykazvańnie nie spadabałasia Irynie Chalip, žoncy Sańnikava. Spačatku jana vykazała padziaku tym ludziam, što jaje padtrymlivali, a potym nie zusim pryjemnymi słovami prajšłasia pa Lichavidu i Dźmitryju Usu.
«Ja pahardžaju niešmatlikim markotnym ha.om ŭ asobie adnaho smarkača, jakoha prychapili ŭ turmu vypadkova, dla masoŭki, i jaki trochi pasiadzieŭ — biez usiakaha cisku prosta tamu, što jon ni vyšejšaj ułady, ni śpiecsłužbam nie byŭ cikavy. Zatoje ŭjaviŭ, byccam juny ŭzrost, jak vajna, usio śpiša — u krajnim vypadku mama pa sracy adšlopaje.
I jašče adnaho prydurka, jaki 19 śniežnia zaklikaŭ «cikać z płoščy», ranicaj byŭ na svabodzie i asudziŭ usich nas u efiry BT, a ciapier zaniaty zboram podpisaŭ za źmianieńnie niejkaha tam zakona, jaki jak nie pracavaŭ bieź źmienaŭ, tak nie budzie pracavać i pry lubych źmienach. Zrešty, usiaho dva ŭbohija ŭšlopki na fonie narmalna dumajučaj bolšaści — taki bałans vyklikaje aptymizm. Jašče raz usim dziakuj. My vytrymajem i vystaim«, — napisała Iryna Chalip.
Nahadajem, što ŭ izalatary i kałonii 20-hadovy aktyvist Ruchu za Svabodu Mikita Lichavid pravioŭ 9 miesiacaŭ. 81 dzień ź jakich jon znachodziŭsia ŭ štrafnym izalatary za toje, što admaŭlaŭsia pryznavać siabie asudžanym.
«Chtości, vidać, vyrašyŭ, što jany «pravilnyja», a my — nie. Jany elita, a my ŭsiaho tolki šeraja masa, jakaja nikoha nie cikavić i cikavić moža tolki ŭ miedycynskich metach. Im dazvolena, a nam nie», — adkamientavaŭ heta Mikita Lichavid na svajoj staroncy ŭ fejsbuku.
«Mnie ščyra škada, što ŭłada aźviareła ad strachu, ździekujučysia z vybitnych ludziej. Ale jašče bolš mianie šakuje ŭzrovień niekatorych pradstaŭnic tak zvanaj elity. Kali apanient apuskajecca da stanu dvornika, lepš pramaŭčać, inakš pamiž nami nie ŭbačać roźnicy», — ličyć Lichavid.
Lichavid nie vieryć, što da Sańnikava ŭžyvali fizičnyja mietady ŭździejańnia.
Naprykancy Mikita vykazaŭsia, što z radaściu b pamianiaŭsia miescami z palitźniavolenymi.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary